ବନ୍ଦ ହେଲା ମାଇକ୍ରୋସଫ୍ଟ ଓ୍ବିଣ୍ଡୋଜ -୭

ନୂଆଦିଲ୍ଲୀ : ମାଇକ୍ରୋସଫ୍ଟ  କମ୍ପାନୀ ତାର ଓ୍ବିଣ୍ଡୋଜ -୭ ବ୍ୟବହାର କରୁଥିବା ଗ୍ରାହକଙ୍କ ପାଇଁ ଦୁଃଖ ଖବର ଆଣିଦେଇଛି । ମାଇକ୍ରୋସଫ୍ଟ ଜାନୁଆରୀ ୧୪ ତାରିଖରୁ ଓ୍ବିଣ୍ଡୋଜ -୭ ବନ୍ଦ କରିଦେଇଛି । ଯଦି ଓ୍ବିଣ୍ଡୋଜ -୭ ବ୍ୟବହାର କରିବେ ତେବେ କମ୍ପ୍ୟୁଟରରେ କୌଣସି ସିକ୍ୟୁରିଟି ଅପଡ଼େଟ କରିପାରିବେ ନାହିଁ। ମାଇକ୍ରୋସଫ୍ଟ ଓ୍ବିଣ୍ଡୋଜ- ୧୦ ବାହାର କରିଥିବାବେଳେ ଓ୍ବିଣ୍ଡୋଜ -୭କୁ ଲୋକେ ବହୁଳ ଭାବରେ ବ୍ୟବହାର କରୁଥିଲେ। ଓିଣ୍ଡୋଜ- ୧୦ ଅପେକ୍ଷା ୭କୁ ବ୍ୟବହାର ଓ ଏଥିରେ କାର୍ଯ୍ୟ କରିବାକୁ ସମସ୍ତେ ପସନ୍ଦ କରିଥାନ୍ତି। ଏହାର ଲୋକ ପ୍ରିୟତା  ଓିଣ୍ଡୋଜ- ୧୦ ଅପେକ୍ଷା  ଅଧିକ ରହିଥିଲା।

ଓ୍ବିଣ୍ଡୋଜ ୧୦ ଅପଗ୍ରେଡ ପାଇଁ ଜରୁରୀ ସୂଚନା:  ଏହାକୁ ଅପଗ୍ରେଡ କରିବା ପାଇଁ କମ୍ପ୍ୟୁଟର ବେଗ ଏକ ଗିଗା ହର୍ଜ ହେବା ଆବଶ୍ୟକ। କମ୍ପ୍ୟୁଟର କିମ୍ବା ଲାପଟପର୨ଜିବି ରାମସହ ୩୨ ଜିବିର ଆଭ୍ୟନ୍ତରୀଣ ଷ୍ଟୋରେଜ ଦରକାର। ଆପଣ ଯଦି ଓିଣ୍ଡୋଜ- ୧୦କୁ ଅପଗ୍ରେଡ କରିନାହାନ୍ତି ତବେ  ଓ୍ବିଣ୍ଡୋଜ ୮.୧ ବ୍ୟବହାର କରିପାରିବେ କିନ୍ତୁ କମ୍ପାନୀ ମଧ୍ୟ ଏହାକୁ ୧୦ ଜାନୁଆରୀ ୨୦୨୩ରେ ବନ୍ଦ କରିଦେବ ବୋଲି ଜଣାପଡ଼ିଛି।

ଖବର ଅନୁଯାୟୀ, ଯେତେବେଳେ ମାଇକ୍ରୋସଫ୍ଟ ଓ୍ବିଣ୍ଡୋଜ- ୧୦ ବଜାର ପ୍ରବେଶ କରିଥିଲା କମ୍ପାନୀ ତରଫରୁ ଅପଗ୍ରେଡ଼ ମାଗଣା ରଖାଯାଇଥିଲା। ଏହି ସୁବିଧା ୨୯ ଜୁଲାଇ ୨୦୧୬ ପର୍ଯ୍ୟନ୍ତ ଉପଲବ୍ଧ ଥିଲା। ଏବେ କିନ୍ତୁ  ଅପଗ୍ରେଡ କରିବା ପାଇଁ ପଇସା ଦେବାକୁ ପଡ଼ିବ। ଏହାର ମୂଲ୍ୟ ୯,୨୯୯ ଟଙ୍କା ରଖାଯାଇଛି।

Comments
Loading...