ହୃଦୟ ପାଇଁ କାହିଁକି ଗୁରୁତ୍ବପୂର୍ଣ୍ଣ ମ୍ୟାଗ୍ନେସିୟମ୍‌? ଜାଣନ୍ତୁ ଏହାର ଅଭାବରେ ଶରୀରରେ କଣ ପ୍ରଭାବ ପଡେ

ଶରୀର ପାଇଁ ପାଞ୍ଚଟି ଉପାଦାନ କ୍ୟାଲସିୟମ୍, ମ୍ୟାଗ୍ନେସିୟମ୍, ଫସଫରସ୍, ପୋଟାସିୟମ୍ ଏବଂ ସୋଡିୟମ୍ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଯଦିଓ ଏହି ସମସ୍ତ ଖଣିଜ ପଦାର୍ଥ ଭଲ ସ୍ୱାସ୍ଥ୍ୟ ବଜାୟ ରଖିବା ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ, କିନ୍ତୁ ସେଥିରେ ମ୍ୟାଗ୍ନେସିୟମର ଏକ ଭିନ୍ନ ସ୍ଥାନ ଅଛି । ଶରୀରରେ ମ୍ୟାଗ୍ନେସିୟମର ପ୍ରଚୁରତା ସୁସ୍ଥ ରହିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ବିଶେଷଜ୍ଞମାନେ ସୂଚାଇ ଦେଇଛନ୍ତି ଯେ ଯଦି ଶରୀରରେ ଏହି ଉପାଦାନର ଅଭାବ ଥାଏ, ତେବେ ଏହା ୪୦୦ ରୁ ଅଧିକ ବାୟୋକେମିକାଲ୍ ପ୍ରତିକ୍ରିୟାକୁ ଅବରୋଧ କିମ୍ବା ସମ୍ପୂର୍ଣ୍ଣ ବନ୍ଦ କରିଦିଏ । ଏଥିରେ ମାଂସପେଶୀ ସଂକୋଚନ ଠାରୁ ଆରମ୍ଭ କରି ଡିଏନ୍ଏର କାର୍ଯ୍ୟ ପର୍ଯ୍ୟନ୍ତ ସବୁକିଛି ଅନ୍ତର୍ଭୁକ୍ତ । ତେବେ ଆସନ୍ତୁ ଜାଣିବା ହୃଦୟ ପାଇଁ ମ୍ୟାଗ୍ନେସିୟମ୍ କାହିଁକି ଗୁରୁତ୍ୱପୂର୍ଣ୍ଣ ।

ମ୍ୟାଗ୍ନେସିୟମ୍  ହୃଦୟ ସମ୍ବନ୍ଧୀୟ ଅନେକ ପ୍ରକ୍ରିୟାର ଏକ ଅଂଶ । ଏହା ହୃଦୟର ମାଂସପେଶୀ କୋଷଗୁଡ଼ିକରେ କ୍ୟାଲସିୟମ ପରିମାଣକୁ ସନ୍ତୁଳିତ କରିଥାଏ । ଯଦି ଏହା ନହୁଏ, ତେବେ ହୃଦୟ କୋଷରେ କ୍ୟାଲସିୟମର ପରିମାଣ ବଢିପାରେ, ଯାହା ମାଂସପେଶୀ କୋଷଗୁଡ଼ିକରେ ସଂକୋଚନ ସ୍ଥିତିକୁ ନେଇପାରେ । ଏହାଦ୍ୱାରା ଛାତି ଯନ୍ତ୍ରଣା ହେବା ସହ ହଠାତ୍ ହୃଦଘାତ ମଧ୍ୟ ହୋଇପାରେ ।

ମ୍ୟାଗ୍ନେସିୟମ୍ ମଧ୍ୟ ହୃଦସ୍ପନ୍ଦନକୁ ନିୟନ୍ତ୍ରଣ କରିବାରେ ସାହାଯ୍ୟ କରେ । ବାସ୍ତବରେ, ଏହା ଏକ ଇଲେକ୍ଟ୍ରୋଲାଇଟ୍ ଭାବରେ କାମ କରେ । ଯଦି ଏଥିରେ ଅଭାବ ଥାଏ, ତେବେ ଶରୀରରେ ବୈଦ୍ୟୁତିକ ସଙ୍କେତର ଗତିବିଧିରେ ବାଧା ସୃଷ୍ଟି ହୁଏ। ଯଦି ଶରୀରରେ ବୈଦ୍ୟୁତିକ ସଙ୍କେତ ବନ୍ଦ ହୋଇଯାଏ ତେବେ ହୃଦୟରେ ରକ୍ତ ପମ୍ପ ହୋଇପାରେ ନାହିଁ । ତେଣୁ ହୃଦୟ ପାଇଁ ମ୍ୟାଗ୍ନେସିୟମ୍ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ । ଯଦି ଶରୀରରେ ମ୍ୟାଗ୍ନେସିୟମ୍ ଏକ ସନ୍ତୁଳିତ ସ୍ତରରେ ଥାଏ, ତେବେ ଏହା ଶରୀରରେ ସହଜରେ ରକ୍ତ ପ୍ରବାହ କରିବାରେ ସାହାର୍ଯ୍ୟ କରିଥାଏ । ଏହା ଉଚ୍ଚ ରକ୍ତଚାପକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ ଏବଂ ଆପଣ ହୁଏତ ଜାଣି ନଥିବେ ଯେ ଉଚ୍ଚ ରକ୍ତଚାପ ମଧ୍ୟ ହୃଦଘାତର ଏକ ପ୍ରମୁଖ କାରଣ ଅଟେ ।

ଶରୀରରେ ମ୍ୟାଗ୍ନେସିୟମର ଅଭାବ ଦେଖାଉଥିବା ଲକ୍ଷଣ

ଯଦି ଆପଣଙ୍କ ଶରୀରରେ ଥକ୍କା, ମାଂସପେଶୀ ସ୍ପାମ୍, ଅନିୟମିତ ହୃଦସ୍ପନ୍ଦନ, ଚିନ୍ତା, ମାଇଗ୍ରେନ୍ ଏବଂ କୋଷ୍ଠକାଠିନ୍ୟ ଭଳି ଲକ୍ଷଣ ଦେଖାଯାଏ ତେବେ ଆପଣଙ୍କ ଶରୀରରେ ମ୍ୟାଗ୍ନେସିୟମର ଅଭାବ ହୋଇପାରେ । ତେଣୁ, ଆପଣ ଏହି ଲକ୍ଷଣଗୁଡ଼ିକୁ  ଅଣଦେଖା କରିବା ଉଚିତ୍ ନୁହେଁ। ଏହି ଲକ୍ଷଣ ଦେଖାଦେଲେ ଯଥାଶିଘ୍ର ଡାକ୍ତରଙ୍କୁ ଦେଖିାଇବା ଉଚିତ୍ ।

Comments
Loading...