ଉହାନରେ ବିଶ୍ୱ ସ୍ୱାସ୍ଥ୍ୟ ସଙ୍ଗଠନର ବିଶେଷଜ୍ଞ ଦଳ

ବେଜିଂ : ବିଶ୍ୱ ସ୍ୱାସ୍ଥ୍ୟ ସଙ୍ଗଠନର ବିଶେଷଜ୍ଞ ଦଳ କୋଭିଡ୍‍ ଭୂତାଣୁର ଉତ୍ପତ୍ତିସ୍ଥଳ ବିଷୟରେ ତଦନ୍ତ କରିବାକୁ ଚୀନ୍‍ର ହୁବେଇ ପ୍ରଦେଶ ସ୍ଥିତ ଉହାନରେ ପହଞ୍ଚିଛନ୍ତି। ଏହି ଟିମ୍‍ ୧୪ ଦିନ ପର୍ଯ୍ୟନ୍ତ କ୍ୱାରେଣ୍ଟାଇନରେ ରହିବେ ଓ ସେହି ସମୟରେ ଚୀନ୍‍ର ବୈଜ୍ଞାନିକମାନଙ୍କ ସହ ବିଚାର ବିମର୍ଷ କରିବେ।

ଚୀନ୍‍ ଜାତୀୟ ସ୍ୱାସ୍ଥ୍ୟ କମିଶନ୍‍ କହିଛି, ବୁଧବାର ଦିନ ହୁବେଇ ପ୍ରଦେଶରେ କିଛି ଲୋକଙ୍କର ମୃତ୍ୟୁ ଘଟିଥିଲା। ବୁଧବାର ଦିନ ୧୩୮ ଜଣ କୋଭିଡ୍‍-୧୯ରେ  ସଂକ୍ରମଣ ହୋଇଥିବାର ସେଠାକାର ଜାତୀୟ ସ୍ୱାସ୍ଥ୍ୟ କମିଶନ୍‍ ଜଣାଇଛି। ସେମାନଙ୍କ ମଧ୍ୟରୁ ୧୨୪ ଜଣଙ୍କ ଶରୀରରେ ସ୍ଥାନୀୟ ସ୍ତରରେ ଭୂତାଣୁ ପ୍ରବେଶ କରିଛି। ସେମାନଙ୍କ ମଧ୍ୟରୁ ୮୧ ଜଣ ହୁବେଇ ପ୍ରଦେଶର  ଥିବା ବେଳେ ୪୩ ଜଣ ହେଲଙ୍ଗ୍‍ ଜିଆଙ୍ଗ୍‍ ପ୍ରଦେଶରୁ ରହିଛନ୍ତି।
ଏହାଛଡ଼ା ୭୮ ଜଣ ସଂକ୍ରମିତ ଲୋକଙ୍କ ଶରୀରରେ କୌଣସି ଲକ୍ଷଣ ଦେଖାଯାଇ ନାହିଁ। ତେଣୁ ଚୀନ୍‍ ସେମାନଙ୍କୁ କୋଭିଡ୍‍ ସଂକ୍ରମିତ ଭାବେ ନାମିତ କରି ନାହିଁ। ମଙ୍ଗଳବାର ଦିନ ମଧ୍ୟ ୧୧୫ ଜଣ ସଂକ୍ରମିତ ହୋଇଥିବାର ଖବର ମିଳିଥିଲା। ବୁଧବାର ଦିନ ସଂକ୍ରମିତ ହୋଇଥିବା ୨୧୬ ଜଣଙ୍କ ମଧ୍ୟରୁ ୧୭ ଜଣଙ୍କ ଶରୀରରେ ବାହାରୁ ଭୂତାଣୁ ପ୍ରବେଶ କରିଥିବାର କୁହାଯାଉଛି।

Comments
Loading...