ନୂଆଦିଲ୍ଲୀ : ବିଭିନ୍ନ ଗଣମାଧ୍ୟମରେ ଏଭଳି କେତେକ ଖବର ପ୍ରକାଶ ପାଇଛି ଯେ ବିଶ୍ୱ ସ୍ୱାସ୍ଥ୍ୟ ସଂଗଠନ (ଡବ୍ଲୁଏଚଓ) ପକ୍ଷରୁ ବି.୧.୬୧୭କୁ ଏକ ବିଶ୍ୱସ୍ତରୀୟ ଚିନ୍ତାଜନକ ଭାରିଆଣ୍ଟ ଭାବେ ବର୍ଗୀକୃତ କରାଯାଇଛି। ଏଥିମଧ୍ୟରୁ କେତେକ ରିପୋର୍ଟରେ ବି.୧.୬୧୭ ଭାରିଆଣ୍ଟ ବିଷୟରେ ଉଲ୍ଲେଖ କରାଯାଇ ଏହାକୁ “ଭାରତୀୟ ଭାରିଆଣ୍ଟ” ଭାବେ ବର୍ଗୀକୃତ କରାଯାଇଛି।
ଗଣମାଧ୍ୟମର ଏପରି ରିପୋର୍ଟ ଭିତ୍ତିହୀନ ଏବଂ ଏହାର କୌଣସି ଆଧାର ନାହିଁ ବୋଲି ସରକାର ସ୍ପଷ୍ଟ କରିଛନ୍ତି। ବିଭିନ୍ନ ଗଣମାଧ୍ୟମ ଏହାକୁ ଅତିରଞ୍ଜିତ କରି “ଭାରତୀୟ ଭାରିଆଣ୍ଟ” ଆଖ୍ୟା ଦେଇଛନ୍ତି।
ସ୍ବାସ୍ଥ୍ୟ ମନ୍ତ୍ରଣାଳୟ ସ୍ପଷ୍ଟ କରିଛି ଯେ ଡବ୍ଲୁଏଚଓ ପକ୍ଷରୁ ପ୍ରକାଶିତ ୩୨ ପୃଷ୍ଠା ବିଶିଷ୍ଟ ଦସ୍ତାବିଜରେ କରୋନା ଭୂତାଣୁର ବି.୧.୬୧୭ ଭାରିଆଣ୍ଟ ସହିତ “ଭାରତୀୟ ଭାରିଆଣ୍ଟ” ଶବ୍ଦ ଯୋଡ଼ା ଯାଇନାହିଁ। ବାସ୍ତବରେ, ଏହି ମାମଲା ସହ ଜଡ଼ିତ ରିପୋର୍ଟରେ “ଭାରତୀୟ” ଶବ୍ଦର ଉପଯୋଗ ସୁଦ୍ଧା କରାଯାଇନାହିଁ।
Comments are closed.