କଙ୍ଗନାଙ୍କୁ ‘ୱାଇ ପ୍ଲସ’ ସୁରକ୍ଷାକୁ ନେଇ ମହାରାଷ୍ଟ୍ର ଗୃହମନ୍ତ୍ରୀଙ୍କ ଆପତ୍ତି; ଜାଣନ୍ତୁ ୱାଇ ପ୍ଲସ ସୁରକ୍ଷା କ’ଣ

ମୁମ୍ବାଇ: କେନ୍ଦ୍ର ସରକାର ଅଭିନେତ୍ରୀ କଙ୍ଗନା ରଣାୱାତଙ୍କୁ ଯୋଗାଇ ଦେଇଛନ୍ତି ୱାଇ ପ୍ଲସ ସୁରକ୍ଷା । ଏହାକୁ ନେଇ ଆପତ୍ତି ଉଠାଇଛନ୍ତି ମହାରାଷ୍ଟ୍ର ସରକାର । ମହାରାଷ୍ଟ୍ର ଗୃହ ମନ୍ତ୍ରୀ ଅନୀଲ ଦେଶମୁଖ ଏହି ନିଷ୍ପତ୍ତି ଉପରେ ପ୍ରତିକ୍ରିୟା ରଖି କହିଛନ୍ତି ମୁମ୍ବାଇ ଓ ମହାରାଷ୍ଟ୍ରର ଯିଏ ଅପମାନ କରିଛି ତାକୁ କେନ୍ଦ୍ର ସରକାର ୱାଇ ପ୍ଲସ ସୁରକ୍ଷା ଯୋଗାଇବା ଅତ୍ୟନ୍ତ ଆଶ୍ଚର୍ଯ୍ୟଜନକ ଓ ଦୁଃଖଦାୟକ । ମହାରାଷ୍ଟ୍ର ରାଷ୍ଟ୍ରବାଦୀ କଂଗ୍ରେସ ପାର୍ଟି, ଶିବସେନା ବା କଂଗ୍ରେସର ନୁହେଁ, ଏହା ବିଜେପିର ମଧ୍ୟ ଓ ପୁରା ଲୋକଙ୍କର ମଧ୍ୟ ବୋଲି ଶ୍ରୀ ଦେଶମୁଖ କହିଛନ୍ତି ।

मुंबई या महाराष्ट्र जो भी उसका अपमान करता है, ऐसे व्यक्ति को केंद्र शासन ‘Y’ प्लस की सुविधा देता है ये बहुत ही आश्चर्यकारक और दुखकारक है। महाराष्ट्र कोई राष्ट्रवादी कांग्रेस पार्टी, शिवसेना और कांग्रेस का ही नहीं है भाजपा का भी है पूरी जनता का है : महाराष्ट्र के गृह मंत्री pic.twitter.com/6Y4ZvOYAmD

— ANI_HindiNews (@AHindinews) September 7, 2020

ଅନ୍ୟପକ୍ଷରେ କେନ୍ଦ୍ର ସରକାର ତାଙ୍କୁ ସୁରକ୍ଷା ଯୋଗାଇ ଦେଇଥିବାରୁ କେନ୍ଦ୍ର ସରକାର ଓ ଗୃହମନ୍ତ୍ରୀ ଅମିତ୍ ଶାହା୍କୁ ଧନ୍ୟବାଦ ଜଣାଇଛନ୍ତି ।

ये प्रमाण है की अब किसी देशभक्त आवाज़ को कोई फ़ासीवादी नहीं कुचल सकेगा,मैं @AmitShah जी की आभारी हूँ वो चाहते तो हालातों के चलते मुझे कुछ दिन बाद मुंबई जाने की सलाह देते मगर उन्होंने भारत की एक बेटी के वचनों का मान रखा, हमारे स्वाभिमान और आत्मसम्मान की लाज रखी, जय हिंद ? https://t.co/VSbZMG66LT

— Kangana Ranaut (@KanganaTeam) September 7, 2020

ନିଜ ଟ୍ବିଟରେ ସେ କହିଛନ୍ତି ଯେ କୌଣସି ଦେଶଭକ୍ତ ସ୍ବରକୁ କୌଣସି ଫାସୀବାଦୀ ଶକ୍ତି ନଷ୍ଟ କରିପାରିବ ନାହିଁ ଏହା ପ୍ରମାଣିତ ହୋଇଛି । ମୁଁ ଅମିତ ଶାହାଙ୍କ ନିକଟରେ ଋଣୀ । ସେ ଚାହିଁଥିଲେ ମୋତେ ବର୍ତମାନର ସ୍ଥିତିକୁ ଦେଖି ମୁମ୍ବାଇ ନ ଯିବାକୁ ପରାମର୍ଶ ଦେଇ ପାରିଥାଆନ୍ତେ । ମାତ୍ର ସେ ମୋର ସ୍ବାଭିମାନ ଓ ଆତ୍ମସମ୍ମାନର ମାନ ରଖିଛନ୍ତି । ଜୟହିନ୍ଦ ।

ୱାଇ ପ୍ଲସ ସୁରକ୍ଷା କ’ଣ? କେତେ ରହିଥାଆନ୍ତି ସୁରକ୍ଷା କର୍ମୀ??

ଦେଶର ବଡ଼ବଡ଼ ନେତାମାନଙ୍କୁ କେନ୍ଦ୍ର ସରକାର ସୁରକ୍ଷା ଯୋଗାଇ ଦେଇଥାଆନ୍ତି । ଏଥିରେ ଜେଡ଼୍ ପ୍ଲସ, ଜେଡ଼୍, ୱାଇ ପ୍ଲସ ଓ ଏକ୍ସ ଆଦି ଶ୍ରେଣୀର ସୁରକ୍ଷା ଦିଆଯାଇଥାଏ । କେନ୍ଦ୍ରମନ୍ତ୍ରୀ, ମୁଖ୍ୟମନ୍ତ୍ରୀ, ସୁପ୍ରିମକୋର୍ଟ ଓ ହାଇକୋର୍ଟ ବିଚାରପତି, ବଡ଼ ନେତା ଓ ବରିଷ୍ଠ ଅଧିକାରୀଙ୍କୁ ଏହି ସୁରକ୍ଷା ପଦ ଅନୁସାରେ ମିଳିଥାଏ ।

ଜେଡ଼୍ ପ୍ଲସ ସୁରକ୍ଷାରେ ୩୬ ଜଣ ସୁରକ୍ଷା କର୍ମୀ ନିଯୁକ୍ତି ହୋଇଥାଆନ୍ତି । ରାଷ୍ଟ୍ରପତି, ପ୍ରଧାନମନ୍ତ୍ରୀଙ୍କ ପରି ବଡ଼ ନେତାଙ୍କୁ ଏହି ସୁରକ୍ଷା ମିଳିଥାଏ । ଏଥିରେ ଏସପିଜି, ଏନ୍ଏସଜି ସୁରକ୍ଷା କର୍ମୀ ସାମିଲ ରହିଥାଆନ୍ତି। ଏହା ଦେଶର ସବୁଠାରୁ ବଡ଼ ସୁରକ୍ଷା ବ୍ୟବସ୍ଥା ବୋଲି କୁହାଯାଏ ।   ସେହିପରି ଜେଡ଼୍ ଶ୍ରେଣୀରେ ୨୨ ଜଣ ସୁରକ୍ଷା କର୍ମଚାରୀଙ୍କୁ ନିଯୁକ୍ତି ଦିଆଯାଇଥାଏ । ଆଇଟିବିପି ଓ ସିଆରପିଏଫ୍ ଜବାନ ଏଥିରେ ନିଯୁକ୍ତ ହୋଇଥାଆନ୍ତି । ଏହି ଶ୍ରେଣୀର ସୁରକ୍ଷାରେ ପାଇଲଟ୍ ଭ୍ୟାନ ମଧ୍ୟ ଯୋଗାଇ ଦିଆଯାଇଥାଏ ।

ୱାଇ ଶ୍ରେଣୀରେ ୧୧ ଜଣ ସୁରକ୍ଷା କର୍ମୀଙ୍କୁ ନିଯୁକ୍ତି ଦିଆଯାଇଥାଏ । ଏମାନଙ୍କ ମଧ୍ୟରେ ୨ ଜଣ ବ୍ୟକ୍ତିଗତ ସୁରକ୍ଷା ଅଧିକାରୀ (ପିଏସଓ) ମଧ୍ୟ ଅନ୍ତର୍ଭୁକ୍ତ । ୱାଇ ପ୍ଲସ ଶ୍ରେଣୀରେ ଏସକର୍ଟ ବାହନ ସହ ବ୍ୟକ୍ତିଗତ ସୁରକ୍ଷା କର୍ମୀ ଏବଂ ବାସଗୃହରେ ଗାର୍ଡ଼ କମାଣ୍ଡର ଓ ୪ ସୁରକ୍ଷା କର୍ମଚାରୀ ନିଯୁକ୍ତି ପାଇଥାଆନ୍ତି । ଏହି ଗାର୍ଡ଼ଙ୍କ ମଧ୍ୟରୁ ଜଣେ ସବ୍ ଇନିସପେକ୍ଟର ପାହ୍ୟାର ଅଧିକାରୀ ଥାଆନ୍ତି । ଅନ୍ୟ ୩ ସୁରକ୍ଷା କର୍ମୀ ସଶସ୍ତ୍ର ହୋଇଥାଆନ୍ତି । ଏକ୍ସ ବର୍ଗ ସୁରକ୍ଷାରେ ମାତ୍ର ୨ ଜଣ ସୁରକ୍ଷା କର୍ମୀ ମିଳିଥାଆନ୍ତି ଓ ସେମାନଙ୍କ ମଧ୍ୟରୁ ଜଣେ ବ୍ୟକ୍ତିଗତ ସୁରକ୍ଷା କର୍ମୀ ବା ପିଏସଓ ଥାଆନ୍ତି ।