କଲକାତା : ପଶ୍ଚିମବଙ୍ଗରେ ଚାଲିଥିବା ସରଗରମ ରାଜନୈତିକ ବାତାବରଣ ମଧ୍ୟରେ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସର ମୁଖ୍ୟ ମମତା ବାନାର୍ଜୀ ମଙ୍ଗଳବାର ତାଙ୍କ ମନ୍ତ୍ରିମଣ୍ଡଳର ଅଦଳବଦଳ କରିଛନ୍ତି । କୋଲକାତାଠାରେ ଏ ସଂପର୍କରେ ସୂଚନା ଦେଇ ସେ କହିଛନ୍ତି, କେତେକ ମନ୍ତ୍ରୀଙ୍କ ବିଭାଗର ଅଦଳବଦଳ କରାଯାଇଥିବା ବେଳେ ଆଉ କେତେକଙ୍କୁ ଅତିରିକ୍ତ ଦାୟିତ୍ୱ ପ୍ରଦାନ କରାଯାଇଛି। ଜଙ୍ଗଲ ମନ୍ତ୍ରୀ ବିନୟ ବର୍ମା ଏବଂ ପଶ୍ଚିମାଞ୍ଚଳ ବିକାଶ ମନ୍ତ୍ରୀ ଶାନ୍ତିରାମ ମାହାତୋଙ୍କୁ ମନ୍ତ୍ରିପରିଷଦରେ ରଖାଯାଇଥିଲେ ମଧ୍ୟ ସେମାନଙ୍କୁ କୌଣସି ଦାୟିତ୍ୱ ଦିଆଯାଇ ନାହିଁ।
ମୁଖ୍ୟମନ୍ତ୍ରୀ ସୁଶ୍ରୀ ବାନାର୍ଜୀ ରାଜ୍ୟର ଉଚ୍ଚପ୍ରଶାସନିକ ସ୍ତରରେ ମଧ୍ୟ ବଡ଼ଧରଣର ଅଦଳବଦଳ କରିଛନ୍ତି। ଘରୋଇ ସଚିବ, ଅନ୍ୟାନ୍ୟ ସଚିବ ଓ ଜିଲ୍ଲାପାଳ ସ୍ତରରେ ମଧ୍ୟ ବ୍ୟାପକ ଅଦଳବଦଳ କରାଯାଇଛି।
ସୂଚନାଯୋଗ୍ୟ, ମଙ୍ଗଳବାର ମମତାଙ୍କ ତୃଣମୂଳ କଂଗ୍ରେସର ୨ ଓ ସିପିଏମର ଜଣେ ବିଧାୟକ ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି। ବିଜେପି ନେତା ମୁକୁଲ ରାୟଙ୍କ ପୁଅ ତଥା ଟିଏମସିରୁ ନିଲମ୍ବିତ ବିଧାୟକ ସୁଭ୍ରାଶୁଂ ମଧ୍ୟ ବିଜେପିରେ ସାମିଲ ହୋଇଛନ୍ତି। ନୂଆଦିଲ୍ଲୀ ସ୍ଥିତ ବିଜେପି ମୁଖ୍ୟାଳୟରେ ଏହି ମିଶ୍ରଣ ପର୍ବ ହୋଇଥିଲା। ଏହାବ୍ୟତୀତ ଟିଏମସିର ୫୦ରୁ ଅଧିକ କାଉଂସିଲର ବିଜେପିରେ ଯୋଗ ଦେଇଛନ୍ତି।
Comments are closed.