ନବରଙ୍ଗପୁର: ନରରଙ୍ଗପୁର ଜିଲା ତେନ୍ତୁଳିଖୁଣ୍ଟି ବ୍ଲକ କାମତା ଗ୍ରାମ ପଞ୍ଚାୟତରେ ପିଇବା ପାଣିର ସମସ୍ୟା ଲାଗି ସାହିର ମହିଳାମାନେ ଖାଲିହାଣ୍ଡି ଧରି ବିକ୍ଷୋଭ ପ୍ରଦର୍ଶନ କରିବାର ୨୪ ଘଣ୍ଟା ଭିତରେ ସମାଧାନ ହେଲା ପାଣି ସମସ୍ୟା। ଏପରି ଘଟଣା ଦେଖିବାକୁ ମିଳିଛି କାମତା ପଂଚାୟତର ୩ନଂ ୱାର୍ଡରେ । କାମତା ଗ୍ରାମର ୩ନଂ ୱାର୍ଡରେ ପ୍ରାୟ ୧୦୦ ପରିବାର ବାସ କରୁଥିବା ବେଳେ ସେହି ସାହିରେ ଖ୍ରୀଷ୍ଟିଆନ ସଂସ୍ଥା ତରଫରୁ ଗୋଟିଏ ଟ୍ୟୁବୱେଲ ଖୋଳାଯାଇଥିଲା। ସେଥିରୁ ସମସ୍ତେ ପାଣି ନେଇ ବ୍ୟବହାର କରିଆସୁଥିଲେ। କିଛିଦିନ ହେବ ବୋରିଙ୍ଗଟି ଖରାପ ହୋଇଯିବାରୁ ସ୍ଥାନୀୟ ମହିଳାମାନେ ଏନେଇ ସ୍ଥାନୀୟ ସରପଞ୍ଚ, ପିଇଓଙ୍କୁ ଜଣାଇଥିଲେ। କିନ୍ତୁ ସେମାନେ ଏହି ବୋରିଙ୍ଗଟି ସରକାରଙ୍କ ତରଫରୁ ଖୋଳାଯାଇନଥିବା ଯୋଗୁଁ ଏହାର ମରାମତି କରାଯିବା ନାହିଁ ବୋଲି କହିଥିଲେ। ଯଦ୍ୱାରା କି ପିଇବା ପାଣି ପାଇଁ ସାହି ଲୋକଙ୍କୁ ନାହିଁ ନଥିବା ଅସୁବିଧାର ସମ୍ମୁଖୀନ ହେବାକୁ ପଡିବା ସହ ନିକଟସ୍ଥ ସାହିକୁ ପାଣି ପାଇଁ ଗଲେ ସେହି ସାହି ଲୋକେ ପାଣିଦେବାକୁ ମନ କରିଦେଉଥିବା ଅଭିଯୋଗ କରିଥିଲେ। ଏହାସହ ସ୍ଥାନୀୟ ସାହିର ଶତାଧିକ ମହିଳା ଉତ୍ତକ୍ତ୍ୟ ହୋଇ ଖାଲିହାଣ୍ଡି ଧରି ବୋରିଙ୍ଗ ସମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ଆମ ସାହିରେ ସରକାରୀ ବୋରିଙ୍ଗ ଖୋଳାଯାଉ ବୋଲି ପିଇଓଙ୍କୁ ଘେରିଥିଲେ । ବିକ୍ଷୋଭ ପ୍ରଦର୍ଶନ କରୁଥିବା ଭିଡିଓଙ୍କୁ ସ୍ଥାନୀୟ ଲୋକେ ତେନ୍ତୁଳୀଖୁଣ୍ଟି ବିଡ଼ିଓଙ୍କୁ ପଠାଇବା ପରେ ବିଡ଼ିଓ ୨୪ ଘଣ୍ଟା ନ ପୂରୁଣୁ ବୋରିଙ୍ଗକୁ ମରାମତି କରି ସମସ୍ୟାର ସମାଧାନ କରିଥିବା ଯୋଗୁଁ ବିଡ଼ିଓଙ୍କୁ ଧନ୍ୟବାଦ ଜଣାଇଛନ୍ତି ।
Comments are closed.