ଭୁବନେଶ୍ୱର: ଜଟଣି ପୌରାଞ୍ଚଳରେ ଥିବା ରାସ୍ତାଘାଟ ମରାମତି ଏବଂ ଜଳ ନିଷ୍କାସନ ଦିଗରେ ପୌରସଂସ୍ଥା କର୍ତ୍ତୃପକ୍ଷ ଉପଯୁକ୍ତ ଧ୍ୟାନ ଦେଉନଥିବାରୁ ସହର ବାସିନ୍ଦା ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଅସରାଏ ବର୍ଷା ହେଲେ ରାମଚନ୍ଦ୍ରପୁର ବଜାରର ଇଣ୍ଡିଆନ ଅଏଲ ପେଟ୍ରୋଲ ପମ୍ପ ନିକଟରେ ମୁଖ୍ୟ ରାସ୍ତା ଉପରେ ଦିନ ଦିନ ଧରି ପାଣି ଜମି ରହୁଛି । ରାସ୍ତାରୁ ଜଳ ନିଷ୍କାସନ କରିବାକୁ ସ୍ଥାନୀୟ ବାସିନ୍ଦା ବହୁବାର ପୌର କର୍ତ୍ତୃପକ୍ଷ, ପୂର୍ତ୍ତ ବିଭାଗ, ଖୋର୍ଦ୍ଧା ଜିଲାପାଳଙ୍କର ଦୃଷ୍ଟି ଆକର୍ଷଣ କରିଥିଲେ ମଧ୍ୟ ସେଥିରୁ କିଛି ସୁଫଳ ମିଳୁନାହିଁ । ସେମାନେ ଏ ସମ୍ପର୍କରେ ମୁଖ୍ୟମନ୍ତ୍ରୀଙ୍କ ଦପ୍ତରକୁ ମଧ୍ୟ ଅବଗତ କରାଇଛନ୍ତି । ତଥାପି ଏହି ସମସ୍ୟା ପ୍ରତି କେହି ଦୃଷ୍ଟି ଦେଉନଥିବା ସ୍ଥାନୀୟ ଅଧିବାସୀ ଅଭିଯୋଗ କରିଛନ୍ତି । ଅନ୍ୟପକ୍ଷରେ ଦିନ ଦିନ ଧରି ପାଣି ଜମି ରହୁଥିବାରୁ ମଶାବଂଶ ବୃଦ୍ଧିପାଉଛି । ସମ୍ପ୍ରତି ରାଜ୍ୟର ବିଭିନ୍ନ ସ୍ଥାନରେ ଡେଙ୍ଗ, ମେଲେରିଆ ଭଳି ମଶାବାହିତ ରୋଗ ବ୍ୟାପୁଥିବାବେଳେ ରାସ୍ତାରୁ ଜଳ ନିଷ୍କାସନ ବ୍ୟବସ୍ଥା କରି ଏଭଳି ମାରାତ୍ମକ ରୋଗରୁ ଜନସାଧାରଣଙ୍କୁ ସୁରକ୍ଷିତ ରଖିବାକୁ ଜନସାଧାରଣ ରାଜ୍ୟ ସରକାରଙ୍କ ଦୃଷ୍ଟି ଆକର୍ଷଣ କରିଛନ୍ତି ।
Comments are closed.