ନୂଆଦିଲ୍ଲୀ : ଜାନୁଆରୀ ୧ରୁ ଆପଣଙ୍କ ଟିଭି ଦେଖିବା ମହଙ୍ଗା ହୋଇଯିବ। ଦୂରସଂଚାର ନିୟାମକ ପ୍ରାଧିକରଣ(ଟ୍ରାଇ) କେବୁଲ ଚ୍ୟାନେଲ ମାନଙ୍କର ଶ୍ଳୁକ ବଢାଇଦେଇଛି। ନୂଆ ନିୟମ ଅନୁସାରେ ଫ୍ରି-ଟ୍ରୁ ଏୟର(ଏଫଟିଏ) ଚ୍ୟାନେଲ ଦେଖିବା ପାଇଁ ଦର୍ଶକଙ୍କୁ ଟଙ୍କା ଦେବାକୁ ପଡିବ। ସେହିପରି ନୂଆ ନିୟମ ଅନୁସାରେ ଦର୍ଶକ ଯେତିକି ଚ୍ୟାନେଲ ଦେଖିବାକୁ ଚାହିଁବେ ସେତିକି ଚ୍ୟାନେଲର ଟଙ୍କା ଦେବାକୁ ପଡିବ। ଡିଟିଏଚ୍ ଓ କେବୁଲ ଅପରେଟର ପ୍ରତ୍ୟକ ଚ୍ୟାନେଲ ପାଇଁ ଦିଆଯାଉଥିବା ଏମଆରପି ବ୍ୟବହାରକାରୀଙ୍କ ଖାତାରେ ଲେଖିବାକୁ ପଡିବ। ନିୟମ ଉଲଙ୍ଘନ କରୁଥିବା ଦେଖିବାକୁ ମିଳିଲେ କଡା କାର୍ଯ୍ୟାନୁଷ୍ଠାନ ନିଆଯିବ। ଏହି ନିୟମ ଗ୍ରାମରେ ରହୁଥିବା ଦର୍ଶକ ମାନଙ୍କ ଉପରେ ବଡ ବୋଝ ହେବାକୁ ଯାଉଛି।
