ମାଞ୍ଚେଷ୍ଟର : ବର୍ତ୍ତମାନ ସମୟରେ ଦିନିକିଆ ଫର୍ମାଟ୍ରେ ଭାରତୀୟ ଦଳର ଅଧିନାୟକ ବିରାଟ କୋହଲି ଓ ଅଷ୍ଟ୍ରେଲିଆର ରନ୍ ମେସିନ୍ ଷ୍ଟିଭେନ୍ ସ୍ମିଥ୍ଙ୍କ ମଧ୍ୟରୁ କିଏ ଶ୍ରେଷ୍ଠ ବ୍ୟାଟସମ୍ୟାନ୍ ତାହାକୁ ନେଇ ବିଭିନ୍ନ ମହଲରେ ଆଲୋଚନା ଜାରି ରହିଥିବା ବେଳେ ଗୁରୁବାର ଏ ସଂପର୍କରେ ମୁହଁ ଖୋଲିଛନ୍ତି ସ୍ମିଥ୍।
ବର୍ତ୍ତମାନ ସମୟରେ କୋହଲି ଦିନିକିଆରେ ବିଶ୍ବର ଶ୍ରେଷ୍ଠ ବ୍ୟାଟସମ୍ୟାନ୍ ବୋଲି ମତ ଦେଇଛନ୍ତି ସ୍ମିଥ୍।
ସୂଚନାଥାଉକି ଇଂଲଣ୍ଡ ବିପକ୍ଷ ଦିନିକିଆ ସିରିଜ୍ରେ ଖେଳିବାକୁ ବର୍ତ୍ତମାନ ସ୍ମିଥ୍ ଅଷ୍ଟ୍ରେଲିଆ ଦଳ ସହ ଇଂଲଣ୍ଡରେ ଅଛନ୍ତି। ସାମାଜିକ ଗଣମାଧ୍ୟମ ଇନ୍ଷ୍ଟାଗ୍ରାମ୍ରେ ପ୍ରଶଂସକଙ୍କ ସହ ଆଲୋଚନା କାଳରେ ବର୍ତ୍ତମାନ ସମୟରେ ଦିନିକିଆ ଫର୍ମାଟ୍ରେ କିଏ ଶ୍ରେଷ୍ଠ ବ୍ୟାଟସମ୍ୟାନ୍ ବୋଲି ଜଣେ ପ୍ରଶଂସକ ପ୍ରଶ୍ନ କରିଥିଲେ। ଏହାର ଜବାବରେ ସ୍ମିଥ୍ କହିଥିଲେ କୋହଲି ବର୍ତ୍ତମାନ ସମୟରେ ଦିନିକିଆରେ ଶ୍ରେଷ୍ଠ ବ୍ୟାଟସମ୍ୟାନ୍। ସୂଚନାଥାଉକି କୋହଲି ବର୍ତ୍ତମାନ ସୁଦ୍ଧା ଦିନିକିଆରେ ୧୧୮୬୭ ରନ୍ ସଂଗ୍ରହ କରି ସାରିଛନ୍ତି। ଦିନିକିଆରେ ସେ ୪୩ଟି ଶତକ ହାସଲ କରିଛନ୍ତି। ଆଇପିଏଲ୍ର ଚଳିତ ସଂସ୍କରଣରେ ସ୍ମିଥ୍ ରାଜସ୍ଥାନ ରୟାଲ୍ସ ଦଳ ତରଫରୁ ଖେଳିବାକୁ ଯାଉଛନ୍ତି। ଇଂଲଣ୍ଡ ବିପକ୍ଷ ଦିନିକିଆ ସିରିଜ୍ ଆସନ୍ତା ୧୬ରେ ଶେଷ ହେବା ପରେ ସ୍ମିଥ୍ ୟୁଏଇ ଯାଇ ରାଜସ୍ଥାନ ରୟାଲ୍ସ ଦଳ ସହ ଯୋଗ ଦେବେ।
Comments are closed.