ଦୁବାଇ: ଅନ୍ତର୍ଜାତୀୟ କ୍ରିକେଟ୍ ପରିଷଦ(ଆଇସିସି) ତରଫରୁ ବୁଧବାର ପ୍ରକାଶିତ ଟେଷ୍ଟ ବ୍ୟାଟସମ୍ୟାନ୍ ମାନ୍ୟତାରେ ଭାରତୀୟ ଦଳର ଅଧିନାୟକ ବିରାଟ କୋହଲି ୯୨୮ ପଏଣ୍ଟ ସହ ଶୀର୍ଷସ୍ଥାନ ବଜାୟ ରଖିଛନ୍ତି। ସେ ଅଷ୍ଟ୍ରେଲିଆର ଷ୍ଟିଭେନ୍ ସ୍ମିଥ୍ଙ୍କୁ ପଛରେ ପକାଇଛନ୍ତି। ବର୍ତ୍ତମାନ ସ୍ମିଥ ୯୨୩ ପଏଣ୍ଟ ସହ ଦ୍ୱିତୀୟ ସ୍ଥାନକୁ ଖସି ଆସିଛନ୍ତି। ସ୍ମିଥ ଏହି ଦୁହେଁ ଜୀବନର ଶ୍ରେଷ୍ଠ ବ୍ୟାଟିଂ ଫର୍ମରେ ଅଛନ୍ତି। ନିକଟରେ ବାଂଲାଦେଶ ବିପକ୍ଷରେ ଶେଷ ହୋଇଥିବା ଟେଷ୍ଟ ସିରିଜରେ କୋହଲିଙ୍କ ଭଲ ପ୍ରଦର୍ଶନ ପାଇଁ ସେ ଏହି କିର୍ତ୍ତିମାନ ନିଜ ନାମରେ କରିପାରିଛନ୍ତି।
ପୂର୍ବରୁ ଇଂଲଣ୍ଡ ବିପକ୍ଷରେ ହୋଇଥିବା ଆସେସ୍ ଟେଷ୍ଟ ସିରିଜ୍ ପରେ ସ୍ମିଥ୍ ତାଙ୍କ ରାଙ୍କିଙ୍ଗ୍ ପଏଣ୍ଟଙ୍କୁ ୯୩୭ରେ ପହଞ୍ଚାଇ ପାରିଥିଲେ। ଯାହାଦ୍ବାରା ସେ ବିରାଟଙ୍କୁ ଅତିକ୍ରମ କରି ଦ୍ବିତୀୟ ସ୍ଥାନରେ ରହିଥିଲେ।
Comments are closed.