ବିବାହ ଦିନ ଜଣାପଡିଲା କନ୍ୟା କରୋନା ପଜିଟିଭ୍ , ପିପିଇ କିଟ୍ ପିନ୍ଧି ପକାଇଲେ ବରଣମାଳ…ଦେଖନ୍ତୁ ଭିଡିଓ

ରାଜସ୍ଥାନର ବାରାନରେ ଏକ ନିଆରା ବିବାହ ଦେଖିବାକୁ ମିଳିଛି। ବିବାହ ଦିନ କନ୍ୟା କରୋନା ପଜିଟିଭ୍ ଥିବା ଜଣାପଡିଲା ପରେ ପିପିଇ କିଟ୍ ପିନ୍ଧି ବିବାହ କରିଛନ୍ତି।

ରାଜସ୍ଥାନର କେଲୱାରାର ଛତ୍ରଗଞ୍ଜ ଗାଁର ବିବାହ ପାଇଁ ପ୍ରସ୍ତୁତ ଥିବା କନ୍ୟା ଏବଂ ତାଙ୍କ ମାଆ ଜ୍ୱରରେ ଆକ୍ରାନ୍ତ ହୋଇଥିଲେ। ଏହା ପରେ ଗାଁକୁ ଆସିଥିବା କରୋନା ଅନୁସନ୍ଧାନକାରୀ ଦଳକୁ ଏକ ନମୁନା ଦିଆଯାଇଥିଲା। ପୂରା ପରିବାର ବିବାହ ପାଇଁ ପ୍ରସ୍ତୁତି କରିବାରେ ବ୍ୟସ୍ତ ଥିଲେ । ବିବାହ ଦିନ ବେଦୀକୁ ଯିବାର କିଛି ଘଣ୍ଟା ପୂର୍ବରୁ ଜଣାପଡିଲା ଯେ କନ୍ୟା ଏବଂ ତାଙ୍କ ମାଙ୍କ ରିପୋର୍ଟ କରୋନା ପଜିଟିଭ୍ ଆସିଛି। ଏହା ଶୁଣି ଉଭୟ ପରିବାର ଦ୍ୱନ୍ଦ୍ୱରେ ପଡ଼ିଗଲେ ସତ, କିନ୍ତୁ ସାହସ ହରାଇଲେ ନାହିଁ।

ପରେ ଏନେଇ ଉକ୍ତ ଅଞ୍ଚଳର କୋଭିଡ କେନ୍ଦ୍ରର ଅଧିକାରୀମାନଙ୍କୁ ସୂଚନା ଦିଆଯାଇଥିଲା ଏବଂ ତୁରନ୍ତ ଉଭୟଙ୍କୁ ସେଠାରେ ଭର୍ତ୍ତି କରାଯାଇଥିଲା। ଏହା ପରେ ଏକ ବେଦୀ ସଜାଗଲା ଏବଂ କୋଭିଡ ସେଣ୍ଟରରେ କାର୍ଯ୍ୟ କରୁଥିବା ଲୋକଙ୍କ ସହାୟତାରେ ବିବାହ ରୀତିନୀତି ସମ୍ପନ୍ନ ହୋଇଥିଲା। କୋଭିଡ କେୟାର ସେଣ୍ଟରରେ ନିଜେ ଏକ ଛୋଟ ପାଣ୍ଡାଲ ସ୍ଥାପନ କରାଯାଇଥିଲା ଯେଉଁଥିରେ ରୀତିନୀତି ଅନୁଷ୍ଠିତ ହୋଇଥିଲା। ଏହି ସମୟ ମଧ୍ୟରେ ସରକାର ଦେଇଥିବା ସମସ୍ତ ନିୟମଗୁଡିକ ମଧ୍ୟ ପାଳନ କରାଯାଇଥିଲା।

#WATCH Rajasthan: A couple gets married at Kelwara Covid Centre in Bara, Shahbad wearing PPE kits as bride’s #COVID19 report came positive on the wedding day.

The marriage ceremony was conducted following the govt’s Covid protocols. pic.twitter.com/6cSPrJzWjR

— ANI (@ANI) December 6, 2020

ଏହାର ଭିଡିଓ ଭାଇରାଲ ହୋଇଛି। ଯେଉଁଥିଲେ ଦେଖିବାକୁ ମିଳିଛି, ବର ଓ କନ୍ୟା ପିପିଇ କିଟ୍ ପିନ୍ଧି ବେଦୀ ବସିଛନ୍ତି। ପୁରହିତ ପିପିଇ କିଟ୍ ପିନ୍ଧି ମନ୍ତ୍ର ଜପ କରୁଥିବା ବେଳେ ବର ଓ କନ୍ୟା ପିନ୍ଧି ପରସ୍ପରକୁ ବରଣମାଳା ପକାଉଛନ୍ତି।