ସାକ୍ଷରତାର ମୂଳଦୁଆ ମଜବୁତ କରିବା ପାଇଁ ଯୁବଗୋଷ୍ଠୀଙ୍କ ମଧ୍ୟରେ ପଠନ ଅଭ୍ୟାସ ଜାରୀ ରଖିବାକୁ ପଡିବ: ଉପରାଷ୍ଟ୍ରପତି

• ପିଲାମାନଙ୍କ ପାଇଁ ଲେଖକମାନେ ଅଧିକ ପୁସ୍ତକ ରଚନା କରିବା ଉଚିତ
• ପ୍ରଶାସନ, ବିଚାର ବିଭାଗ ଓ ଶିକ୍ଷା କ୍ଷେତ୍ରରେ ଅଧିକରୁ ଅଧିକ ସ୍ଥାନୀୟ ଭାଷାର ପ୍ରୟୋଗ ପାଇଁ ଆହ୍ୱାନ
• ସାରଳା ଦାସଙ୍କ ଓଡିଆ ମହାଭାରତ ସରଳ ଓ କଥିତ ଭାଷାରେ ରଚିତ
ଭୁବନେଶ୍ବର: ସାକ୍ଷରତାର ମୂଳଦୁଆ ମଜବୁତ କରିବା ପାଇଁ ଯୁବାବସ୍ଥାରୁ ପଠନ ଅଭ୍ୟାସ ଜାରି ରଖିବା ଉପରେ ଉପରାଷ୍ଟ୍ରପତି ଏମ୍. ଭେଙ୍କିଆ ନାଇଡୁ ଗୁରୁତ୍ୱଆରୋପ କରିଛନ୍ତି। ପିଲାମାନଙ୍କ ମଧ୍ୟରେ ପଠନ ଅଭ୍ୟାସ ସୃଷ୍ଟି ପାଇଁ ସ୍ୱତନ୍ତ୍ର ଧ୍ୟାନ ଦେବାକୁ ସେ ଶିକ୍ଷାବିତ୍‌, ବୁଦ୍ଧିଜୀବୀ, ଶିକ୍ଷକ ଓ ଅଭିଭାବକମାନଙ୍କୁ ପରାମର୍ଶ ଦେଇଛନ୍ତି। ପିଲାମାନଙ୍କ ବ୍ୟକ୍ତିତ୍ୱର ବିକାଶ ନିମନ୍ତେ ସେମାନଙ୍କୁ ଯାନ୍ତ୍ରିକ ଉପକରଣ ଉପରେ ଅତ୍ୟଧିକ ନିର୍ଭରଶୀଳ ନ ହୋଇ ପଢିବା ଉପରେ ସେ ଗୁରୁତ୍ୱଆରୋପ କରିଛନ୍ତି।
ବିଦ୍ୟାଳୟଗୁଡିକ ପୁସ୍ତକର ସୁନ୍ଦର ପୃଥିବୀକୁ ଶ୍ରେଣୀଗୃହରେ ବିରାଜମାନ କରାଇବା ଅଧିକରୁ ଅଧିକ ଲେଖକ ପିଲାମାନଙ୍କ ପାଇଁ ବହି ଲେଖିବା ଉପରେ ଗୁରୁତ୍ୱାଆରୋପ କରିଛନ୍ତି। ପିଲାମାନଙ୍କ ଆଗ୍ରହ ଓ ସାମର୍ଥ୍ୟକୁ ଆଖିଆଗରେ ରଖି ଏହି ବହି ସବୁ ଲେଖାଯିବା ଉପରେ ସେ ମତବ୍ୟକ୍ତ କରିଛନ୍ତି।
ଆଦି କବି ସାରଳା ଦାସଙ୍କ ୬୦୦ତମ ଜନ୍ମବାର୍ଷିକୀ ଅବସରରେ ଉଦ୍‌ବୋଧନ ଦେଇ ଶ୍ରୀ ନାଇଡୁ କହିଛନ୍ତି ଯେ, ସାରଳା ଦାସଙ୍କ ଦ୍ୱାରା ରଚିତ ମହାଭାରତ ଏହାର ଅନନ୍ୟ ବର୍ଣ୍ଣନା ଶୈଳୀ ଓ ଭାଷା ବିନ୍ୟାସ ଯୋଗୁଁ ଶହ ଶହ ବର୍ଷ ପରେ ମଧ୍ୟ ଏହା ଓଡିଆମାନଙ୍କ ମଧ୍ୟରେ ଆଦୃତ ହୋଇଛି। ସରଳ ଓ କଥିତ ଭାଷା କିପରି ଲୋକଙ୍କ ମନକୁ ଛୁଇଁଥାଏ ତାହା ସାରଳା ଦାସଙ୍କ ମହାଭାରତରେ ପ୍ରତିଫଳିତ ବୋଲି ସେ କହିଛନ୍ତି ।
ଏହି ପରିପ୍ରେକ୍ଷୀରେ ପ୍ରଶାସନ ଓ ନ୍ୟାୟପାଳିକାର ସ୍ଥାନୀୟ ଭାଷାର ଅଧିକରୁ ଅଧିକ ବ୍ୟବହାର ଲୋକମାନଙ୍କୁ ସନ୍ଦେଶ ଦେବାରେ ବିଶେଷ ସହାୟକ ହେବା ଉପରେ ସେ ମତବ୍ୟକ୍ତ କରିଛନ୍ତି । ସ୍ଥାନୀୟ ବା ମାତୃଭାଷାରେ ପ୍ରାଥମିକ ବିଦ୍ୟାଳୟ ଶିକ୍ଷା ପ୍ରଦାନ ପାଇଁ ସେ ପରାମର୍ଶ ଦେବା ସହ ପ୍ରାଥମିକ ସ୍ତରରେ ଶିକ୍ଷାଦାନ ମାତୃଭାଷାରେ କରାଗଲେ ତାହା ଉତ୍ତମ ଫଳ ଦେଇଥାଏ ବୋଲି ବିଭିନ୍ନ ଗବେଷଣାରୁ ପ୍ରମାଣିତ ହୋଇଥିବା ପ୍ରକାଶ କରିଛନ୍ତି ।
ସାରଳା ଦାସ କେବଳ ଆଦି କବି ନ ଥିଲେ ବରଂ ଆଦି ଐତିହାସିକ, ଆଦି ଭୌଗୋଳିକବିତ୍ ବୋଲି ମତବ୍ୟକ୍ତ କରିବା ସହ ଶ୍ରୀ ନାଇଡୁ ପଞ୍ଚଦଶ ଶତାବ୍ଦୀର ଆଦ୍ୟଭାଗରେ ସ୍ଥାନୀୟ କଥିତ ଭାଷାରେ ସାହିତ୍ୟ ରଚନା କରି ସେ ସାହିତ୍ୟରେ ଗଣତାନ୍ତ୍ରିକ ଭାବନାର ଅଗ୍ରଦୂତ ଥିଲେ ବୋଲି ପ୍ରକାଶ କରିଛନ୍ତି । ସାରଳା ଦାସଙ୍କୁ କବୀର ଓ ଯୋଗୀ ବେମନ୍ନାଙ୍କ ସହ ତୁଳନା କରି ମହାନ୍ କବିମାନେ ସେମାନଙ୍କ ଅସାଧାରଣ ପ୍ରତିଭା ଦ୍ୱାରା ଜଟିଳ ଭାବକୁ ମଧ୍ୟ ସରଳଭାଷାରେ ବ୍ୟକ୍ତ କରିବା ଯୋଗୁଁ ଏହା ସମାଜରେ ବିଭିନ୍ନ ଶ୍ରେଣୀର ଲୋକମାନଙ୍କ ମଧ୍ୟରେ ସୁଦୂରପ୍ରସାରୀ ପ୍ରଭାବ ପକାଇଥାଏ ବୋଲି ଶ୍ରୀ ନାଇଡୁ କହିଛନ୍ତି।
ଉପରାଷ୍ଟ୍ରପତି ଆହୁରି କହିଛନ୍ତି ଯେ ସାରଳା ଦାସଙ୍କ ମହାଭାରତରେ ନାୟକନାୟିକାଙ୍କ ଯେଉଁ ଚରିତ୍ର ଚିତ୍ରଣ କରାରଯାଇଛି ପରବର୍ତ୍ତି କାଳରେ ଅନେକ ଲେଖକ ତାହା ଦ୍ୱାରା ଅନୁପ୍ରାଣୀତ ହୋଇ ପୂର୍ଣ୍ଣାଙ୍ଗ ଉପନ୍ୟାସ ରଚନା କରିଛନ୍ତି। ସାରଳା ଦାସଙ୍କ ମହାଭାରତରେ ନାରୀଚରିତ୍ର ଖୁବ୍ ଶକ୍ତିଶାଳୀ ଓ ସେମାନେ ଅଧିକ ଉଲ୍ଲେଖନୀୟ ଗୁଣର ଅଧିକାରୀ ହୋଇ ଗଭୀର ଆତ୍ମବିଶ୍ୱାସ ଓ ସାହସର ସହ କାର୍ୟ୍ୟ କରିଥାନ୍ତି ବୋଲି ସେ ମତବ୍ୟକ୍ତ କରିଛନ୍ତି।
ସାରଳା ଦାସଙ୍କୁ ଜଣେ ଯଶସ୍ୱୀ ସାହିତ୍ୟିକ ଭାବେ ବିଚେଚନା କରି ଓଡିଆ ଭାଷାର ଜନକ ସମ୍ମାନ ଅଳଙ୍କୃତ କରିଥିବା ସେ ଓଡିଆ ଭାଷା ଓ ସଂସ୍କୃତିକୁ ସମୃଦ୍ଧ କରିଥିବା ଶ୍ରୀ ନାଇଡୁ କହିଛନ୍ତି। ଭାରତ ସରକାର ଓଡିଆ ଭାଷାକୁ ଶାସ୍ତ୍ରୀୟ ମାନ୍ୟତା ଦେଇଛନ୍ତି ଓ ସାରଳା ଦାସ ଏହାର ଉତ୍ତୁଙ୍ଗ ଆଲୋକବର୍ତ୍ତିକା ଏଥିରେ ଦ୍ୱିମତ ନାହିଁ ବୋଲି ସେ କହିଛନ୍ତି ।


ଏହି ଅବସରରେ କଳିଙ୍ଗ ରତ୍ନ ସମ୍ମାନରେ ସମ୍ମାନୀତ ହୋଇଥିବା ଆନ୍ଧ୍ରପ୍ରଦେଶର ରାଜ୍ୟପାଳ ବିଶ୍ୱଭୂଷଣ ହରିଚନ୍ଦନଙ୍କୁ ଶ୍ରୀ ନାଇଡୁ ଅଭିନନ୍ଦନ ଜଣାଇଛନ୍ତି। ପୂର୍ବରୁ ଶ୍ରୀ ନାଇଡୁ ଭୁବନେଶ୍ୱର ରାଜଭବନରେ ଏକ ଚାରାରୋପଣ ମଧ୍ୟ କରିଥିଲେ ।
ଓଡିଶା ରାଜ୍ୟପାଳ ପ୍ରଫେସର ଗଣେଶୀ ଲାଲ, ଆନ୍ଧ୍ରପ୍ରଦେଶ ରାଜ୍ୟପାଳ ବିଶ୍ୱଭୂଷଣ ହରିଚନ୍ଦନ, କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ବାଷ୍ପମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ରାଜ୍ୟ ମନ୍ତ୍ରିମଣ୍ଡଳ ସଦସ୍ୟ ପ୍ରତାପ ଜେନା, ସାରଳା ସାହିତ୍ୟ ସଂସଦର ସଭାପତି ଡ. ପ୍ରଭାକର ସ୍ୱାଇଁ, ପୂର୍ବତନ ରାଜ୍ୟ ମୁଖ୍ୟ ଶାସନ ସଚିବ ତଥା ସାରଳା ସାହିତ୍ୟ ସଂସଦ ସଦସ୍ୟ ସହଦେବ ସାହୁ ଏବଂ ଅନ୍ୟମାନେ ଏହି ଅବସରରେ ଉପସ୍ଥିତ ଥିଲେ।

Comments are closed.