କଟକ: କେତେକ ବିଶୃଙ୍ଖଳିତ ଛାତ୍ରଙ୍କ ଆଚରଣ ପାଇଁ ରେଭେନ୍ସାରେ ଅପ୍ରତିକର ପରିସ୍ଥିତି ସୃଷ୍ଟି ହୋଇଛି। ତେବେ ଏହି ବିଶୃଙ୍ଖଳିତ ଛାତ୍ରଙ୍କ ପାଇଁ ଅନ୍ୟ ଛାତ୍ରଛାତ୍ରୀମାନଙ୍କ ଭବିଷ୍ୟତ ନଷ୍ଟ ହେବାକୁ ଦିଆଯିବ ନାହିଁ ବୋଲି ରେଭେନ୍ସା ବିଶ୍ବବିଦ୍ୟାଳୟର କୁଳପତି ପ୍ରଫେସର ଇଶାନ ପାତ୍ର କହିଛନ୍ତି। ଦୀର୍ଘ ୧୨ଘଣ୍ଟା ଧରି ଅଟକ ରହିବା ପରେ ମଙ୍ଗଳବାର ସେ ଏହି ମନ୍ତବ୍ୟ ଦେଇଛନ୍ତି। ତେବେ ବିଶ୍ବବିଦ୍ୟାଳୟରେ ସାଇନ-ଏ-ଡାଏ ଘୋଷଣା କରାଯିବ ନାହିଁ ବୋଲି ମଧ୍ୟ ସେ କହିଛନ୍ତି।
ସୂଚନାଯୋଗ୍ୟ ଯେ, ରେଭେନ୍ସା ବିଶ୍ୱବିଦ୍ୟାଳୟରେ ଛାତ୍ର ସଂସଦ ନିର୍ବାଚନ ବାତିଲ ପରେ କ୍ୟାମ୍ପସରେ ଉତ୍ତେଜନା ଲାଗି ରହିଥିଲେ। କ୍ୟାମ୍ପସ ମଧ୍ୟରେ ଉତ୍ତେଜନା ସୃଷ୍ଟି ହେବାରୁ କର୍ତ୍ତୃପକ୍ଷ ନିର୍ବାଚନ ବାତିଲ କରି ଦେଇଥିଲେ। ପ୍ରତ୍ୟେକ୍ଷ ନିର୍ବାଚନ ଦାବିରେ କୁଳପତି ଈଶାନ ପାତ୍ରଙ୍କୁ ଛାତ୍ରମାନେ ସୋମବାର ରାତିରୁ ଅଟକ ରଖିଥିଲେ। ମଙ୍ଗଳବାର ଭୋର ୫.୩୦ଟା ସମୟରେ କୁଳପତିଙ୍କୁ ଛାଡି ଦେଇଥିଲେ।
