ଜଣେ ସ୍ବାମୀକୁ ୭ସ୍ତ୍ରୀ, ମୃତଦେହ ନେବାକୁ ଛିଡୁନି କଳି

ହରିଦ୍ବାର : ଉତ୍ତରାଖଣ୍ଡର ହରିଦ୍ବାର ଜିଲାରେ ଜଣେ ଯୁବକଙ୍କ ମୃତଦେହ ନେବାପାଇଁ ସାତ ଜଣ ମହିଳା ନିଜକୁ ମୃତକଙ୍କ ପତ୍ନୀ ବୋଲି କହିବା ସହିତ ମୃତଦେହ ନେବା ପାଇଁ ଦାବି କରିଥିବା ଜଣାପଡିଛି। ସୂଚନା ମୁତାବକ, ହରିଦ୍ବାର ଜିଲାର ବସ୍ତିରେ ରହୁଥିବା ଗାଡି ଚାଳକ ପବନ କୁମାର ରବିଦାସ(୪୦) ଗତକାଲି ବିଷ ପିଇ ଆତ୍ମହତ୍ୟା କରିଥିଲେ। ଆର୍ଥିକ ଦୁଃସ୍ଥିତି ଯୋଗୁଁ ସେ ଆତ୍ମହତ୍ୟା କରିଥିବାବେଳେ ତାଙ୍କୁ  ଗୁରୁତର ଅବସ୍ଥାରେ ଡାକ୍ତରଖାନା ନିଆଯାଇଥିଲା। ସେଠାରେ ତାଙ୍କର ମୃତ୍ୟୁ ଘଟିଥିଲା। ପବନଙ୍କ ମୃତ୍ୟୁ ପରେ ସେଠାରେ ଅସଲ ଡ୍ରାମା ଆରମ୍ଭ ହୋଇଥିଲା। ଜଣଙ୍କ ପରେ ଜଣେ ସାତ ଜଣ ମହିଳା ଆସି ପୁଲିସକୁ ପବନଙ୍କ ସ୍ତ୍ରୀ ବୋଲି କହିବା ସହିତ ମୃତଦେହ ନେବାପାଇଁ ଦାବି କରିଥିଲେ। ମାତ୍ର ପୁଲିସ ମୃତଦେହ କହାକୁ ନଦେଇ ସଂରକ୍ଷିତ ରଖିଥିବା ସୂଚନା ମିଳିଛି।

Comments
Loading...