ବାଣୀବିହାର ଅଧ୍ୟାପିକାଙ୍କ ଝିଅଙ୍କୁ କରୋନା, ୩ଟି ବିଭାଗ ସିଲ୍‌ କଲା ଉତ୍କଳ ବିଶ୍ବବିଦ୍ୟାଳୟ

ଭୁବନେଶ୍ବର : ବାଣୀବିହାର ଅଧ୍ୟାପିକାଙ୍କ ଝିଅ କରୋନା ଆକ୍ରାନ୍ତ ହୋଇଛନ୍ତି। ଅଧ୍ୟାପିକା ଝିଅ ସଂସ୍ପର୍ଶରେ ଆସିବା ପରେ ଅଫିସ୍‌ ଆସିଥିଲେ ଏବଂ କ୍ୟାମ୍ପସରେ ବୁଲାବୁଲି କରିଥିଲେ। ଏହା ଜଣାପଡ଼ିବା ପରେ ଉତ୍କଳ ବିଶ୍ବବିଦ୍ୟାଳୟ ପକ୍ଷରୁ ପଦକ୍ଷେପ ନିଆଯାଇଛି। ଅଧ୍ୟାପିକା କାର୍ଯ୍ୟ କରୁଥିବା ଅଫିସ ସମତେ ସମ୍ପୃକ୍ତ କୋଠାର ଅନ୍ୟ ଦୁଇଟି ବିଭାଗକୁ ମଧ୍ୟ ବିଶ୍ବବିଦ୍ୟାଳୟ ପକ୍ଷରୁ ସିଲ୍‌ କରି ଦିଆଯାଇଛି।
କରୋନା ସଂକ୍ରମଣ ଆଶଙ୍କାରେ ଉତ୍କଳ ବିଶ୍ବବିଦ୍ୟାଳୟର ଗୋଟିଏ କୋଠାର ୩ଟି ବିଭାଗକୁ ସିଲ୍‌ କରିଦିଆଯାଇଛି। ଏହି କୋଠାରେ କାର୍ଯ୍ୟରତ ଜଣେ ଅଧ୍ୟାପିକାଙ୍କ ଝିଅ କରୋନା ଆକ୍ରାନ୍ତ ହୋଇ ଚିକିତ୍ସିତ ହେଉଛି। ଝିଅ ସଂସ୍ପର୍ଶରେ ଅଧ୍ୟାପିକା ଜଣକ ଆସିଥିଲେ। ଆଜି ନିଜ ବିଭାଗକୁ ଆସି କାମ କରିବା ସହିତ ଝିଅ କରୋନା ଆକ୍ରାନ୍ତ ହୋଇଥିବା ବିଶ୍ବବିଦ୍ୟାଳୟ କର୍ତ୍ତୃପକ୍ଷଙ୍କୁ ଜଣାଇଥିଲେ। ଏହାପରେ ଅଧ୍ୟାପିକା ଜଣକ କାର୍ଯ୍ୟ କରୁଥିବା କୋଠାର ତିନୋଟି ବିଭାଗକୁ ୭ଦିନ ପାଇଁ ସିଲ୍‌ କରାଯାଇଛି ବୋଲି ବିଶ୍ବବିଦ୍ୟାଳୟ କର୍ତ୍ତୃପକ୍ଷ କହିଛନ୍ତି। ବାଣୀବିହାର ୩ଟି ବିଭାଗ ସିଲ୍‌ କରାଯାଇଛି। ଜଣେ କର୍ମଚାରୀ କରୋନା ସଂସ୍ପର୍ଶରେ ଆସିବା ପରେ ପଦକ୍ଷେପ ନିଆଯାଇଛି। ସମସ୍ତ କର୍ମଚାରୀଙ୍କୁ ଅଫିସ ଆସିବାକୁ ବାରଣ କରାଯାଇଛି। ଗୋଟିଏ କୋଠାରେ ଥିବା ଇଂରାଜୀ, ଦର୍ଶନଶାସ୍ତ୍ର ଓ ଅର୍ଥଶାସ୍ତ୍ର ବିଭାଗକୁ ସିଲ୍‌ କରାଯାଇଥିବା ଉତ୍କଳ ବିଶ୍ବବିଦ୍ୟାଳୟ ପକ୍ଷରୁ ସୂଚନା ଦିଆଯାଇଛି।

Comments
Loading...