ନାଲ୍‌କୋ ପାଇଲା ଉତ୍କଳ-ଇ କୋଇଲା ବ୍ଲକ୍‌ ଖଣି ଳିଜ୍‌

ଭୁବନେଶ୍ବର : ଦେଶର ପ୍ରମୁଖ ଆଲୁମିନା ଏବଂ ଆଲୁମିନିୟମ୍‌ ଉତ୍ପାଦନ ଓ ରପ୍ତାନିକାରୀ ନବରତ୍ନ ଉଦ୍ୟୋଗ ନାଲକୋକୁ ଓଡ଼ିଶା ସରକାର ଉତ୍କଳ-ଇ କୋଇଲା ଖଣି ପାଇଁ ଖଣି ଲିଜ୍‌ ମଞ୍ଜୁର କରିଛନ୍ତି। ଏହି ସଂକ୍ରାନ୍ତରେ ଇସ୍ପାତ ଏବଂ ଖଣି ମନ୍ତ୍ରାଳୟଦ୍ବାରା ବିଜ୍ଞପ୍ତି ପ୍ରକାଶ ପାଇଛି। ଏହି ବିଜ୍ଞପ୍ତି ଅନୁସାରେ ଉତ୍କଳ-ଇ-କୋଇଲା ଖଣି ଅନୁଗୋଳ ଜିଲାର ଛେଣ୍ଡିପଦା ତହସିଲ ଅନ୍ତର୍ଗତ ନନ୍ଦିଛୋଡ଼, ଗୋପୀନାଥପୁର ଜଙ୍ଗଲ, କୁଣ୍ଡାଝରି ଜଙ୍ଗଲ, କୋଶଳ ଏବଂ କୋରଡ଼ା ଗ୍ରାମର ୫୨୩.୭୩ହେକ୍ଟର ଜମି ଉପରେ ଅବସ୍ଥିତ। ୭୦ ମିଲିୟନ୍‌ ଟନ୍ ସଂରକ୍ଷିତ ଥିବା ଏହି ଖଣିରୁ ପ୍ରାରମ୍ଭିକ ପର୍ଯ୍ୟାୟରେ ବାର୍ଷିକ ୨ ମିଲିୟନ୍‌ ଟନ୍ କୋଇଲା ଉତ୍ପାଦନ କରାଯାଇପାରିବ। ଏଠାରେ ଉଲ୍ଲେଖଯୋଗ୍ୟ ଯେ, ଗତ ମାର୍ଚ୍ଚ ମାସରେ ନାଲ୍‌କୋର ଅନ୍ୟତମ କୋଇଲା ଖଣି ଉତ୍କଳ-ଡି କୋଇଲା ବ୍ଲକ୍‌ ପାଇଁ ଲିଜ୍‌ କାର୍ଯ୍ୟକାରୀ କରାଯାଇଅଛି। ନାଲ୍‌କୋ ତରଫରୁ କମ୍ପାନୀର ଅଧ୍ୟକ୍ଷ ତଥା ପରିଚାଳନା ନିର୍ଦେଶକ ଶ୍ରୀଧର ପାତ୍ର, ରାଜ୍ୟ ତଥା କେନ୍ଦ୍ର ସରକାରଙ୍କୁ ଖଣି ଲିଜ୍ ମଞ୍ଜୁର କରିଥିବାରୁ ଧନ୍ୟବାଦ ପ୍ରଦାନ କରିଛନ୍ତି।

Comments
Loading...