ଏଲଏସି ବିବାଦରେ ଭାରତକୁ ଆମେରିକାର ସମର୍ଥନ; ଚୀନ ବିରୋଧରେ ସିନେଟ୍‌ରେ ଆଲୋଚନା ପ୍ରସ୍ତାବ

ୱାଶିଂଟନ: ଭାରତ-ଚୀନ ମଧ୍ୟରେ ପ୍ରକୃତ ନିୟନ୍ତ୍ରଣ ରେଖା(ଏଲଏସି)କୁ ନେଇ ବିବାଦ ଲାଗି ରହିଛି। କିନ୍ତୁ ଏହି ବିବାଦ ମଧ୍ୟରେ ଆମେରିକା ଭାରତକୁ ଦୃଢ଼ ସମର୍ଥନ କରିଛି। ଚୀନର ଷଡ଼ଯନ୍ତ୍ରମୂଳକ ଆଭିମୁଖ୍ୟ ବିରୋଧରେ ସିନେଟ୍‌ରେ ଆଲୋଚନା ପ୍ରସ୍ତାବ ମଧ୍ୟ ଆଣିଛି। ଆମେରିକାର ଦୁଇଟି ଶକ୍ତିଶାଳୀ ସିନେଟର୍‌ ଗ୍ରୁପ ଗୁରୁବାର ସିନେଟ୍‌ରେ ଏହି ପ୍ରସ୍ତାବ ଆଣି ଭାରତ ବିରୋଧରେ ଚୀନର ଆକ୍ରମଣାତ୍ମକ ଆଭିମୁଖ୍ୟ ଉପରେ ଆଲୋଚନା କରିଛନ୍ତି। ଆମେରିକା ସିନେଟରେ ରିପବ୍ଲିକାନ୍‌ ପାର୍ଟିର ହ୍ବିପ୍‌ ସିନେଟର ଜନ୍‌ କୋର୍ନିନ ଏବଂ ଗୁଇନ୍ଦା ବ୍ୟାପାର ଅନ୍ତର୍ଗତ ବୁଦ୍ଧିଜୀବୀ ସିନେଟ୍‌ ଚୟନ କମିଟିର ରାଙ୍କିଙ୍ଗ ସଦସ୍ୟ ମାର୍କ ୱାର୍ଣ୍ଣର ଏହି ପ୍ରସ୍ତାବ ଆଣିଥିଲେ।

କୋର୍ନିନ୍‌ କହିଥିଲେ ଯେ, ସିନେଟ ଇଣ୍ଡିଆ କାକ୍‌ସର ସହ ସଂସ୍ଥାପକ ରୂପେ ମୋତେ ଆମେରିକା ଏବଂ ଭାରତ ମଧ୍ୟରେ ଦୃଢ଼ ସମ୍ପର୍କର ମହତ୍ଵ ସ୍ପଷ୍ଟ ଭାବେ ଜଣାଅଛି। ମୁଁ ଚୀନ୍ ବିରୋଧରେ ଠିଆ ହେବା ସହିତ ଭାରତ-ପ୍ରଶାନ୍ତ ମହାସାଗରୀୟ ଅଞ୍ଚଳକୁ ସ୍ୱାଧୀନ ରଖିବା ପାଇଁ ଭାରତର ପ୍ରତିବଦ୍ଧତାକୁ ପ୍ରଶଂସା କରୁଛି। ସେ ଆହୁରି କହିଥିଲେ ଯେ, ବର୍ତ୍ତମାନ ଆମେ ଆମର ଭାରତୀୟ ଭାଗୀଦାରିଙ୍କୁ ସମର୍ଥନ କରିବା ଅଧିକ ଗୁରୁତ୍ୱପୂର୍ଣ୍ଣ, କାରଣ ସେମାନେ ଚୀନ୍ ଆକ୍ରୋଶରୁ ନିଜକୁ ରକ୍ଷା କରୁଛନ୍ତି। ଚାଇନାର ଆପ୍ ଉପରେ ଭାରତୀୟ ନିଷେଧାଦେଶ ସମ୍ପର୍କରେ ଏହି ପ୍ରସ୍ତାବରେ କୁହାଯାଇଛି ଯେ ଚୀନଠାରୁ ସୁରକ୍ଷା ସମ୍ପର୍କିତ ବିପଦ ଥିବାରୁ ନିଜର ଟେଲିକମ୍ ଭିତ୍ତିଭୂମି ସୁରକ୍ଷିତ ରଖିବା ପାଇଁ ଭାରତ ନେଇଥିବା ପଦକ୍ଷେପ ପ୍ରଶଂସାଯୋଗ୍ୟ।

Comments
Loading...