ଟ୍ରମ୍ପଙ୍କ ଭାରତ ଗସ୍ତ : ମୋଟେରା ଷ୍ଟାଡିୟମରେ ‘ନମସ୍ତେ ଟ୍ରମ୍ପ’ କାର୍ଯ୍ୟକ୍ରମ

ନୂଆଦିଲ୍ଲୀ : ଆମେରିକା ରାଷ୍ଟ୍ରପତି ଡୋନାଲ୍‍ଡ ଟ୍ରମ୍ପ ଆସନ୍ତା ୨୪ ତାରିଖରେ ଭାରତ ଗସ୍ତରେ ଆସିବେ। ଏଥିପାଇଁ ପାଇଁ ସମସ୍ତ ପ୍ରସ୍ତୁତି
ଜୋରସୋରରେ ଆଗେଇ ଚାଲିଛି । ନବନିର୍ମିତ ମୋଟେରା ଷ୍ଟାଡିୟମରେ ‘ନମସ୍ତେ ଟ୍ରମ୍ପ’ କାର୍ଯ୍ୟକ୍ରମର ଆୟୋଜନ କରାଯାଉଛି । ଡୋନାଲ୍‍ଡ ଟ୍ରମ୍ପଙ୍କୁ ଅହମ୍ମଦାବାଦର ସର୍ଦ୍ଦାର ପଟେଲ ଆନ୍ତର୍ଜାତିକ ବିମାନ ବନ୍ଦରଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରିବେ । ସରକାରୀ ସୂତ୍ରରୁ ମିଳିଥିବା ସୂଚନା ଅନୁସାରେ, ଶ୍ରୀ ଟ୍ରମ୍ପ ଆସି ପହଞ୍ଚିବା ପରେ ବିମାନ ବନ୍ଦରଠାରେ ତାଙ୍କୁ ସାମରିକ ଅଭିବାଦନ ଦିଆଯିବ ।
ଅହମ୍ମଦାବାଦ ବିମାବନ୍ଦରରେ ପହଞ୍ଚିବା ପରେ ରାଷ୍ଟ୍ରପତି ଟ୍ରମ୍ପ ଓ ପ୍ରଧାନମନ୍ତ୍ରୀ ମୋଦୀ ପ୍ରଥମେ ସାବରମତୀ ଗାନ୍ଧି ଆଶ୍ରମ ପରିଦର୍ଶନ କରିବେ
କରିବେ। ସାବରମତୀ ଆଶ୍ରମକୁ ଏହି ସ୍ୱଳ୍ପକାଳୀନ ଗସ୍ତ ପରେ ଉଭୟ ନେତା ନବନିର୍ମିତ ମୋଟେରା ଷ୍ଟାଡିୟମରେ ପହଞ୍ଚିବେ। ସେଠାରେ ‘ନମସ୍ତେ ଟ୍ରମ୍ପ’ କାର୍ଯ୍ୟକ୍ରମର ଆୟୋଜନ କରାଯାଉଛି ।