ପରାଜୟକୁ ହଜମ କରି ପାରୁନାହାନ୍ତ ଟ୍ରମ୍ପ ସମର୍ଥକ; ରାଜରାସ୍ତାରେ ପୁଲିସ ସହ ହିଂସାତ୍ମକ ସଂଘର୍ଷ

ୱାଶିଂଟନ: ଟ୍ରମ୍ପ ଓ ତାଙ୍କ ସମର୍ଥକମାନେ ପରାଜୟକୁ ବିଶ୍ବାସ କରି ପାରୁନାହାନ୍ତି କି ହଜମ କରି ପାରୁନାହାନ୍ତି । ପୁନର୍ବାର ଭୋଟ ଗଣତି ଦାବି କରି ଟ୍ରମ୍ପ ସମର୍ଥକ ୱାଶିଂଟନ ରାଜରାସ୍ତାକୁ ଓହ୍ଲାଇଛନ୍ତି । ଏହାକୁ ନେଇ ପୁଲିସ ଓ ଟ୍ରମ୍ପ ସମର୍ଥକ ମୁହାଁମୁହିିଁ ହୋଇଛନ୍ତି । ଘଟଣା ହିଂସାତ୍ମକ ମୋଡ଼ ନେଇଛି ।

ସୂଚନା ଅନୁସାରେ ଟ୍ରମ୍ପ ସମର୍ଥକମା​‌ନେ ଆରମ୍ଭ କରିଛନ୍ତି ‘ମିଲିଅନ ମେଗା ମାର୍ଚ’ । ପେନସିଲଭାନିଆ, ନେଭାଡ଼ା ଆଦି ସ୍ଥାନରେ ଭୋଟ ଗଣତିରେ ବ୍ୟାପକ ଗଡ଼ବଡ଼ ହୋଇଥିବା ଅଭିଯୋଗ କରି ସେମାନେ ଆଉଥରେ ଭୋଟ ଗଣତି ପାଇଁ ଦାବି କରିଛନ୍ତି । ଏପରିକି ଟ୍ରମ୍ପ ସମର୍ଥକ ଓ ବିପକ୍ଷ ପକ୍ଷ ମଧ୍ୟରେ ଗୋଷ୍ଠୀ ସଂଘର୍ଷ ବଢ଼ିବାରେ ଲାଗିଛି । ଉଭୟ ପକ୍ଷ ମୁହାଁମୁହିଁ ହେବାପରେ ପୁଲିସ ହସ୍ତକ୍ଷେପ କରିଛି ଓ ପୁଲିସ ସହ ମଧ୍ୟ ଟ୍ରମ୍ପ ସମର୍ଥକମାନଙ୍କର ଖଣ୍ଡଯୁଦ୍ଧ ହୋଇଛି ।

ପୁନର୍ବାର ଭୋଟ ଗଣତି ନ ହେବା ପର୍ଯ୍ୟନ୍ତ ଆନ୍ଦୋଳନ ଚାଲିବ ବୋଲି ଟ୍ରମ୍ପ ସମର୍ଥକମାନେ ଚେତାବନୀ ଦେଇଛନ୍ତି । ମୃତକମାନଙ୍କ ନାମରେ ଭୋଟ ଦିଆଯାଇଥିବା ମଧ୍ୟ ସେମାନେ ଅଭିଯୋଗ କରିଛନ୍ତି । ଫକ୍ସ ନ୍ୟୁଜର ଏକ ରିପୋର୍ଟ ଅନୁସାରେ ଟ୍ରମ୍ପ ସମର୍ଥକ ସଙ୍ଗଠନ ପ୍ରାଉଡ଼ ବଏଜ ସହ ଟ୍ରମ୍ପ ବିରୋଧୀ ସଙ୍ଗଠନ ବ୍ଲାକ ଲାଇଭ୍ସ ମ୍ୟାଟର ମଧ୍ୟରେ ସଂଘର୍ଷ ହୋଇଛି । ରାତି ବଢ଼ିବା ସହ ଏହି ସଂଘର୍ଷ ବଢ଼ିବାରେ ଲାଗିଛି ।