ରୁଷର ୪ ବୋମା ବର୍ଷଣକାରୀ ଯୁଦ୍ଧ ବିମାନକୁ ଆଲାସ୍କାରେ ଅଟକାଇଲେ ଆମରିକାର ଗୁପ୍ତ ଯୁଦ୍ଧ ବିମାନ

ୱାଶିଂଟନ : ଆମେରିକାର ୟୁଏସ୍‍ ଏଫ-୨୨ ଗୁପ୍ତ ଯୁଦ୍ଧ ବିମାନ ଆଲାସ୍କା ଉପକୂଳରେ ରୁଷର ୪ଟି ବୋମା ବର୍ଷଣକାରୀ ଏସ୍‍ୟୁ-୩୫ ଯୁଦ୍ଧ ବମାନକୁ ଅଟକାଇଛନ୍ତି। ନର୍ଥ ଆମେରିକାନ ଏରୋସ୍ପେସ୍‍ ଡିଫେନ୍ସ କମାଣ୍ଡ (ଏନଓଆରଏଡି) ଏହି ସୂଚନା ଦେଇଛି।
ପରମାଣୁ ବୋମା କ୍ଷମତାଧାରୀ ରୁଷର ଏହି ଯୁଦ୍ଧ ବିମାନ ମଙ୍ଗଳବାର ଆଲାସ୍କା ପଶ୍ଚିମ ଉପକୂଳରେ ଉଡୁଥିଲେ। ରୁଷର ଏସ୍‍ୟୁ-୩୫ ଓ ଟିୟୁ ୯୫ର ବୋମା ବର୍ଷଣକାରୀ ୪ଟି ବିମାନ ଆଲସ୍କା ବାୟୁ ସୀମା ନିକଟରେ ପହଞ୍ଚିବା ମାତ୍ରେ ଆମେରିକାର ଏନଓଆରଏଡି ସତର୍କ ଘଣ୍ଟି ବଜାଇଥିଲା। ଏହାପରେ ଆମେରିକାର ୟୁଏସ୍‍ ଏଫ-୨୨ ଗୁପ୍ତ ଯୁଦ୍ଧ ବିମାନ, ଇ-୩୫ ପର୍ଯ୍ୟବେକ୍ଷଣ ବିମାନ ରୁଷର ୪ ଯୁଦ୍ଧ ବିମାନକୁ ପିଛା କରି ଅଟକାଇଥିଲେ। ରୁଷର ଯୁଦ୍ଧ ବିମାନ ଆମେରିକା କିମ୍ବା କାନାଡାର ବାୟୁ ସୀମାକୁ ଉଲ୍ଲଙ୍ଘନ କରିନଥିଲେ ବୋଲି କୁହାଯାଇଛି। ରୁଷର ଯୁଦ୍ଧ ବିମାନ ବାରମ୍ବାର ଆଲାସ୍କା ଉପକୂଳରେ ଉଡୁଥିବା ନେଇ ଆମେରିକା ଚିନ୍ତା ବ୍ୟକ୍ତ କରିଛି। ଅପରପକ୍ଷରେ ରୁଷ ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ ରୁଷର ଏସ୍‍ୟୁ-୩୫ ଓ ଟିୟୁ ୯୫ ବୋମା ବର୍ଷଣକାରୀ ୪ଟି ବିମାନ ଆଲାସ୍କା ପଶ୍ଚମ ଉପକୂଳ ନିକଟ ଚୁକୋଟକା, ବେରିଂ ଏବଂ ଓଖୋଟସ୍କ ସମୁଦ୍ର ଉପରେ ପରିକ୍ରମା କରୁଥିଲା। ରୁଷର ବୋମା ବର୍ଷଣକାରୀ ଯୁଦ୍ଧ ବିମାନ ଅନ୍ତର୍ଜାତୀୟ ବାୟୁ ସୀମା ଉଲ୍ଲଙ୍ଘନ କରିନାହାନ୍ତି।

Comments are closed.