ନୂଆଦିଲ୍ଲୀ : ‘ଠଗ୍ସ ଅଫ ହିନ୍ଦୁସ୍ତାନ’ର ବିଫଳତା ପରେ ବଲିଉଡର ବିଗ ବି ‘ଅମିତାଭ ବଚ୍ଚନ’ ତାଙ୍କର ଆଗାମୀ ଚଳଚ୍ଚିତ୍ର ‘ବଦଲା’ର ମୁକ୍ତିଲାଭକୁ ନେଇ ପ୍ରସ୍ତୁତି ଆରମ୍ଭ କରିଦେଇଛନ୍ତିି। ନିକଟରେ ଅମିତାଭଙ୍କର ଚଳଚ୍ଚିତ୍ର ‘ବଦଲା’ର ପୋଷ୍ଟର ରିଲିଜ ହୋଇଛି। ଏହି ସିନେମା ୨୦୧୬ରେ ମୁକ୍ତିଲାଭ କରିଥିବା ସ୍ପେନିସ ଚଳଚ୍ଚିତ୍ର ‘କଣ୍ଟ୍ରାଟିଏମ୍ପୋ’ର ରେମିକ୍। ହିନ୍ଦି ଚଳଚ୍ଚିତ୍ର ‘ପିଙ୍କ’ରେ ଅମିତାଭଙ୍କ ସହ ଅଭିନୟ କରିଥିବା ‘ତାପସୀ ପନ୍ନୁ’ ଏଥିରେ ଅନ୍ୟ ଏକ ଚରିତ୍ରରେ ନଜର ଆସିବେ। ଅମିତାଭ ଏବଂ ତାପସୀ ଏହି ସିନେମାରେ ମୁଖ୍ୟ ଭୂମିକାରେ ଅଭିନୟ କରୁଥିବା ନଜର ଆସିବେ। ଏହି ଚଳଚ୍ଚିତ୍ରରେ ନିର୍ଦେଶନାର ଭାର ସମ୍ଭାଳିଛନ୍ତି ‘ସୁଜୋୟ ଘୋଷ’। ‘ସୁଜୋୟ ଘୋଷ’ ନିଜ ଅଫିସିଆଲ ଟ୍ୱିଟର ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି ଏବଂ କ୍ୟାପସନରେ ଲେଖିଛନ୍ତି ‘୮ମାର୍ଚ୍ଚ’। ମୁକ୍ତିଲାଭ କରିଥିବା ଏହି ପୋଷ୍ଟରରେ ଅମିତାଭ କଳା କୋର୍ଟ ପିନ୍ଧି ଏକ ବ୍ରିଜ ଉପରେ ଯାଉଥିବା ନଜର ଆସିଛନ୍ତି। ଏହି ସିନେମାରେ ଶାହରୁଖ ଖାନ-ଅମିତାଭ ଏକାସହ କାମ କରିବାକୁ ଯାଉଛନ୍ତି। କାରଣ ଏହି ସିନେମାରେ ଶାହରୁଖଙ୍କର କମ୍ପାନୀ ରେଡ ଚିଲିଜ୍ ଏଣ୍ଟରଟେନମେଣ୍ଟ, ଅଜୁର ଏଣ୍ଟରଟେନମେଣ୍ଟ ସହ ଏକାଠି କାମ କରୁଥିବା ଜଣାପଡିଛି। ୨୦୧୯ମାର୍ଚ୍ଚ ୮ରେ ମୁକ୍ତିଲାଭ କରିବ ଏହି ଚଳଚ୍ଚିତ୍ର।
