ଲକ୍ଷ୍ମୌ: ସର୍ବଦା ନକାରାତ୍ମକ କାରଣ ପାଇଁ ଚର୍ଚ୍ଚାରେ ରହିଆସୁଥିବା ଉତ୍ତର ପ୍ରଦେଶର ଉନ୍ନାଓରେ ପୁଣି ସେଭଳି ଏକ ଘଟଣା ଘଟିଛି। କରୋନା ଚିକିତ୍ସାରେ ନିୟୋଜିତ ଏଠାକାର ୧୬ ବରିଷ୍ଠ ସରକାରୀ ଡାକ୍ତର ପ୍ରଶାସନର ଦୁର୍ବ୍ୟବହାର ପ୍ରତିବାଦରେ ସାମୂହିକ ଇସ୍ତଫା ଦେଇଛନ୍ତି। ଏହାର ନକଲ ସେମାନେ ସ୍ବାସ୍ଥ୍ୟ ବିଭାଗର ଉଚ୍ଚାଧିକାରୀ ଓ ଡାକ୍ତର ସଂଘକୁ ପ୍ରଦାନ କରିଛନ୍ତି। ସମ୍ପୃକ୍ତ ଡାକ୍ତରମାନେ ଉନ୍ନାଓର ବିଭିନ୍ନ ପ୍ରାଥମିକ ଓ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ କାର୍ଯ୍ୟରତ।
ସେମାନଙ୍କ ମଧ୍ୟରେ ୧୧ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରୟ ଅଧିକାରୀ ଥିବାବେଳେ ୫ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଅଧିକାରୀ ଅଛନ୍ତି। ସେମାନେ ଅଭିଯୋଗ କରିଛନ୍ତି ଯେ ଜିଲା ପ୍ରାଶସନ ଓ ସ୍ବାସ୍ଥ୍ୟ ବିଭାଗ ଅଧିକାରୀ ସେମାନଙ୍କ ସହିତ ଖରାପ ବ୍ୟବହାର କରୁଛନ୍ତି। କରୋନା ସଙ୍କଟ ସମୟରେ ସେମାନେ ନିଷ୍ଠାର ସହ କର୍ତ୍ତବ୍ୟ କରୁଥିବା ସତ୍ତ୍ବେ ଜିଲା ପ୍ରଶାସନିକ ଅଧିକାରୀମାନେ ସେମାନଙ୍କ କାର୍ଯ୍ୟରେ ଅଯଥା ହସ୍ତକ୍ଷେପ କରୁଛନ୍ତି ଓ ସ୍ବେଚ୍ଛାଚାରୀ ମନୋଭାବ ପ୍ରଦର୍ଶନ ସହ ଦଣ୍ଡବିଧାନର ଧମକ ଦେଉଛନ୍ତି। ପ୍ରଶାସନିକ ଅଧିକାରୀଙ୍କ ବ୍ୟବହାର ଅସହ୍ୟ ହୋଇଥିବା ସେମାନେ ଦର୍ଶାଇଛନ୍ତି। ସଙ୍କଟ ସମୟରେ ପ୍ରଶାସନର କୌଣସି ସହଯୋଗ ମଧ୍ୟ ମିଳୁ ନାହିଁ।
Comments are closed.