ସନ୍ଥକବି ଭୀମଭୋଇଙ୍କ ସ୍ମୃତିରେ ଡାକଟିକଟ ପ୍ରଚଳନ ପାଇଁ କେନ୍ଦ୍ରକୁ ଚିଠି ଲେଖିଲେ କେନ୍ଦ୍ରମନ୍ତ୍ରୀ ପ୍ରତାପ

କେନ୍ଦ୍ର କ୍ଷୁଦ୍ର, ଲଘୁ ଓ ମଧ୍ୟମ ଉଦ୍ୟୋଗ ତଥା ମତ୍ସ୍ୟ ଓ ପଶୁ ସମ୍ପଦ ରାଷ୍ଟ୍ରମନ୍ତ୍ରୀ ପ୍ରତାପ ଚନ୍ଦ୍ର ଷଡ଼ଙ୍ଗୀ ସନ୍ଥକବି ଭୀମଭୋଇଙ୍କ ସ୍ମୃତିରେ ଏକ ଡାକଟିକଟ ପ୍ରଚଳନ ପାଇଁ କେନ୍ଦ୍ର ଡାକ ତଥା ଯୋଗାଯୋଗ ମନ୍ତ୍ରୀ ରବି ଶଙ୍କର ପ୍ରସାଦଙ୍କୁ ଅନୁରୋଧ କରି ପତ୍ର ଲେଖିଛନ୍ତି। ସେ ପାତ୍ରରେ ଦର୍ଶାଇଛନ୍ତି ଯେ ଓଡ଼ିଶାର ଜଣେ ମହାନ ଆଦିବାସୀ କବି, ଦାର୍ଶନିକ ତଥା ସମାଜ ସଂସାରକ ଭାବେ ପରିଚିତ ସନ୍ଥକବି ଭୀମଭୋଇଙ୍କ ସ୍ମୃତିରେ ଏକ ଡାକଟିକଟ ପ୍ରଚଳନ ନିମନ୍ତେ ରାଜ୍ୟବାସୀ, ବିଶେଷ କରି ପଶ୍ଚିମ ଓଡ଼ିଶାର ଅଧିବାସୀମାନଙ୍କ ମଧ୍ୟରେ ଜନମତ ପ୍ରକାଶ ପାଇଛି।

ମନ୍ତ୍ରୀ ରବି ଶଙ୍କର ପ୍ରସାଦଙ୍କୁ ଲେଖିଥିବା ପତ୍ରରେ ଶ୍ରୀ ଷଡ଼ଙ୍ଗୀ ସନ୍ଥକବି ଭୀମଭୋଇଙ୍କ ପଦ୍ୟାବଳୀର ଏକ ଅତି ଲୋକପ୍ରିୟ ଅଂଶ ‘ମୋ ଜୀବନ ପଛେ ନର୍କେ ପଡିଥାଉ, ଜଗତ ଉଦ୍ଧାର ହେଉ’ ଉଲ୍ଲେଖ କରିବା ସହ ଏହାର ଗୁଢ ଅର୍ଥ ବୁଝାଇ ଲେଖିଛନ୍ତି। ଜାତିସଂଘ ଓ ଭାରତୀୟ ସଂସଦ ଭବନରେ ସନ୍ଥକବିଙ୍କ ଗାଥା ବର୍ଣ୍ଣନା କରାଯାଇଥିବା ଦର୍ଶାଇ ଜୀବନର ମୂଲ୍ୟବୋଧକୁ ଅତି ସରଳ ଭାଷାରେ ବର୍ଣ୍ଣନା କରିଥିବା କବିଙ୍କ ସ୍ମୃତିରେ ଡାକଟିକଟ ପ୍ରଚଳନ କରାଗଲେ ତାହା ସନ୍ଥକବିଙ୍କ ପ୍ରତି ପ୍ରକୃତ ଶ୍ରଦ୍ଧାଞ୍ଜଳି ହେବ ବୋଲି ମନ୍ତ୍ରୀ ଶ୍ରୀ ଷଡ଼ଙ୍ଗୀ କହିଛନ୍ତି।

Comments
Loading...