ବୁର୍ଲା : ବୁର୍ଲା କୋଭିଡ ହସ୍ପିଟାଲରେ ବୁଧବାର ଜଣେ ଅଜଣା କୋଭିଡ ରୋଗୀଙ୍କର ଚିକିତ୍ସାଧିନ ଅବସ୍ଥାରେ ମୃତ୍ୟୁ ଘଟିଛି। ମୃତକଙ୍କ ବୟସ ପାଖାପାଖି ୫୫ ବର୍ଷ ହେବ ବୋଲି ବୁର୍ଲା ମେଡ଼ିକାଲ ଫାଣ୍ଡି ପୁଲିସ ସୂତ୍ରରୂ ସୂଚନା ମିଳିଛି। ତେବେ ପୁଲିସ ସୂଚନା ମତେ ଗତକାଲି ଏହି ବୃଦ୍ଧ ରୋଗୀ ଜଣଙ୍କ ଭିମସାର କରୋନା ଆଇସୋଲେସନ ୱାର୍ଡକୁ ଯାଇ ତାଙ୍କ କରୋନା ପରୀକ୍ଷା କରିଥିଲେ। ଏହା ପରେ ସେ କରୋନା ସଂକ୍ରମିତ ଚିହ୍ନଟ ହୋଇଥିଲେ। ତାଙ୍କୁ ତୁରନ୍ତ ବୁର୍ଲା ଭିମସାରର କୋଭିଡ ହସପିଟାଲକୁ ସ୍ଥାନାନ୍ତରିତ କରାଯାଇଥିଲା। ସେଠାରେ ଚିକିତ୍ସାଧିନ ଅବସ୍ଥାରେ ଗତକାଲି ରାତିରେ ହିଁ ତାଙ୍କର ମୃତ୍ୟୁ ଘଟିଥିଲା। ତେବେ ତାଙ୍କର କୌଣସି ପରିଚୟ ମିଳିପାରିନାହିଁ। ପୁଲିସ ଶବ ଜବତ କରିବା ସହିତ କୋଭିଡ ହସପିଟାଲ ଫ୍ରିଜରରେ ରଖିଛି। ଶବକୁ ନିୟମ ମୁତାବକ ତିନିଦିନ କାଳ ଫ୍ରିଜରରେ ରଖାଯିବ। ଶବ ନେବା ପାଇଁ କେହି ଯଦି ପରିବାର ଲୋକେ ଆସନ୍ତି ତେବେ ବୁର୍ଲା ପୁଲିସ ସହିତ ଯୋଗାଯୋଗ କରିବା ପାଇଁ ପୁଲିସ ସୂତ୍ରରୁ ସୂଚନା ଦିଆଯାଇଛି।
Comments