ପୁଲୱାମାରେ ସୁରକ୍ଷାକର୍ମୀ ଓ ଆତଙ୍କବାଦୀ ମୁହାଁମୁହିଁ; ୪ ଆତଙ୍କବାଦୀ ନିହତ

0

ଜାମ୍ମୁ: କାଶ୍ମୀରର ପୁଲୱାମା ଜିଲାରେ ସୁରକ୍ଷାକର୍ମୀ ଓ ଆତଙ୍କବାଦୀ ମଧ୍ୟରେ ଶନିବାର ସକାଳେ ଗୁଳିବିନିମୟ ହୋଇଛି । ଏଥିରେ ୪ ଜଣ ଆତଙ୍କବାଦୀ ନିହତ ହୋଇଥିବା ଜଣାପଡିଛି । ପୁଲୱାମା ଜିଲାର ରାଜାପୋରାରେ ଆତଙ୍କବାଦୀ ଲୁଚି ରହିଥିବା ବିଶେଷ ସୂତ୍ରରୁ ଖବର ପାଇ ସୁରକ୍ଷାକର୍ମୀ ସର୍ଚ୍ଚ ଅପରେସନ ଚଳାଇଥିଲା। ଏହି ସମୟରେ ଆତଙ୍କବାଦୀ ସୁରକ୍ଷାକର୍ମୀଙ୍କ ଉପରକୁ ଗୁଳି ଚଳାଇଥିଲେ । ସୁରକ୍ଷାକର୍ମୀ ମଧ୍ୟ ଏହାର ପାଲଟା ଜବାବ ଦେଇଥିଲେ । ପରେ ଉଭୟ ପଟରୁ ଗୁଳିବିନିମୟ ହୋଇଥିଲା । ସୁରକ୍ଷାକର୍ମୀଙ୍କ ଗୁଳିରେ ୪ ଜଣ ଆତଙ୍କବାଦୀ ଘଟଣାସ୍ଥଳରେ ନିହତ ହୋଇଛନ୍ତି । ସୁରକ୍ଷାକର୍ମୀ ସ୍ଥାନୀୟ ଅଞ୍ଚଳରକୁ ଘେରି ରହିଥିବା ଜଣାପଡିଛି । ସୁରକ୍ଷାର୍କମୀଙ୍କ ତଲାସୀ ଅଭିଯାନ ବେଳେ ଜାମ୍ମୁର ସାମ୍ବା ସେକ୍ଟରରେ ମାଟି ତଳୁ ଏକ ୪୭ ରାଇଫଲ ଏବଂ ଗୋଳା ବାରୁଦ ଜବତ ହୋଇଛି ।

ସୂଚନାଯୋଗ୍ୟ, ଶୁକ୍ରବାର ବିଳମ୍ବିତ ରାତିରେ ବସଷ୍ଟାଣ୍ଡ ନିକଟରେ ବିସ୍ଫୋରଣ ହୋଇଥିଲା । ବସଷ୍ଟାଣ୍ଡ ନିକଟରେ ଥିବା ଏକ ଢାବାରେ ରହସ୍ୟମୟ ପରିସ୍ଥିତିରେ ବିସ୍ଫୋରଣ ହୋଇଥିଲା। ଏଥିରେ ପାଣି ଟାଙ୍କି ସମେତ ଅନ୍ୟାନ୍ୟ ସାମଗ୍ରୀ ନଷ୍ଟ ହୋଇଥିଲା। ଘଟଣାସ୍ଥଳରେ ପୁଲିସ ପହଞ୍ଚି ତଦନ୍ତ କରିବା ସହ ସ୍ଥାନୀୟଲୋକଙ୍କୁ ପଚରାଉଚରା କରିଛି ।

Comments
Loading...