ଅଯୋଧ୍ୟାରେ ହିଁ ଶୀଘ୍ର ଭବ୍ୟ ରାମ ମନ୍ଦିର ନିର୍ମାଣ ହେବ : ଉଦ୍ଧବ ଠାକରେ
ଅଯୋଧ୍ୟା : ସାରା ଦେଶ ତଥା ବିଶ୍ବରେ ହିନ୍ଦୁ ସମାଜର ଏକତା ଜରୁରୀ । କେନ୍ଦ୍ରର ମୋଦୀ ସରକାର ହିନ୍ଦୁମାନଙ୍କୁ ସୁଦୃଢ କରିବା ଭଳି ସରକାର । ତେବେ ଆମର ସମ୍ପୂର୍ଣ୍ଣ ଭରସା ରହିଛି କି, ରାମ ମନ୍ଦିରର ନିର୍ମାଣ ଶୀଘ୍ର ଆରମ୍ଭ ହେବ। ଅଯୋଧ୍ୟାରେ ଶିବସେନା ସାଂସଦ ଓ ପରିବାର ସଦସ୍ୟଙ୍କ ସହିତ ରାମଲାଲାଙ୍କ ଦର୍ଶନ ପରେ ଦଳର ସୁପ୍ରିମୋ ଉଦ୍ଧବ ଠାକରେ ଗଣମାଧ୍ୟମକୁ ସମ୍ବୋଧନ କରି ଏହା କହିଛନ୍ତି । ଶ୍ରୀ ଠାକରେ କହିଛନ୍ତି ବାବ୍ରି ମସଜିତ ଢାଞ୍ଚା ଭାଙ୍ଗିବାରେ ଶିବସେନା ଆଗରେ ଥିଲା, ଏବେ ମନ୍ଦିର ନିର୍ମାଣାରେ ମଧ୍ୟ ଆମେ ଆଗକୁ ଆସିଛୁ । ଦେଶର ହିନ୍ଦୁ ସମାଜ ଏକାଠି ହେବାରେ ଲାଗିଛି, ଯାହା ଏକ ଭଲ ଖବର । ଆମେ ଏଠାକୁ ରାମଲାଲାଙ୍କ ଆଶୀର୍ବାଦ ନେବାକୁ ଆସିଛୁ । କିନ୍ତୁ ବାରମ୍ବାର ଏଠାକୁ ଆସିବାକୁ ଇଚ୍ଛା ହେଉଛି।
ରାମ ମନ୍ଦିର ଅଯୋଧ୍ୟାରେ ହିଁ ନିର୍ମାଣ ହେବ ବୋଲି ସେ ଦୋହରାଇଛନ୍ତି । ଯଦି କେନ୍ଦ୍ର ସରକାର ରାମ ମନ୍ଦିର ନିର୍ମାଣ ପାଇଁ ଅଧ୍ୟାଦେଶ ଆଣନ୍ତି ତେବେ ଆମେ ନିଶ୍ଚୟ ସମର୍ଥନ କରିବୁ।
ଉଦ୍ଧବ ଠାକରେ ରବିବାର ରାମଲାଲାଙ୍କ ଦର୍ଶନ କରିବା ସହିତ ସାଧୁସନ୍ଥମାନଙ୍କ ଆଲୋଚନା କରିଛନ୍ତି । ସନ୍ଥ ସମାଜ ପକ୍ଷରୁ ତାଙ୍କୁ ଫୁଲମାଳ ଦେଇ ସ୍ବାଗତ କରାଯାଇଥିଲା। ଉଦ୍ଧବଙ୍କ ସହିତ ଅଯୋଧ୍ୟ ଯାଇଥିବା ଦଳର ସାଂସଦ ସଞ୍ଜୟ ଯାଦବ କହିଛନ୍ତି ଯେ, ଅଯୋଧ୍ୟାରେ ଭବ୍ୟ ରାମ ମନ୍ଦିର ନିର୍ମାଣ ହେଉ ଏହା କେବଳ ଶିବ ସେନା ନୁହେଁ ବରଂ ସଂମ୍ପୂର୍ଣ୍ଣ ହିନ୍ଦୁ ସମାଜ ଚାହୁଁଛି । ଶିବସେନାର ପ୍ରଦେଶ ଉପ-ପ୍ରମୁଖ ଅଭୟ ଦ୍ବିବେଦୀ, କେନ୍ଦ୍ରମନ୍ତ୍ରୀ ଅରବିନ୍ଦ ସାୱନ୍ତ,ସଦାଶିବ ଲୋଖଣ୍ଡେ ଏବଂ ଓମ୍ ରାଜେଙ୍କ ସମେତ ଅନ୍ୟ ସାଂସଦମାନେ ଅଯୋଧ୍ୟା ଯାଇଛନ୍ତି।
Comments are closed.