ଉଦୟପୁର : ଉଦୟପୁରର କୃଷକ ବଜାରରେ ଏକ ବଡ ଅଘଟଣ ଘଟିଥିବା ନେଇ ଖବର ମିଳିଛି। ଏକ ଦୋକାନର ଛାତ ଭୁଷୁଡି ପଡିବାରୁ ୩ ଜଣଙ୍କର ମୃତ୍ୟୁ ଘଟିଛି। ମୃତକ ମଧ୍ୟରେ ୨ ଜଣ ଗ୍ରାହକ ଓ ଅନ୍ୟ ଜଣେ ଥିବା ବେଳେ ପ୍ରାୟ ୧୦ ଜଣ ଏହା ତଳେ ଦବି ହୋଇ ରହି ଯାଇଛନ୍ତି। ଅନ୍ୟ ୭ ଜଣ ଆହତ ମଧ୍ୟ ହୋଇଛନ୍ତି।
ଏଥିରେ ରାଜସ୍ଥାନର ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ଆହତଙ୍କୁ ଭେଟିବା ସହ ସେମାନଙ୍କ ସ୍ୱାସ୍ଥ୍ୟାବସ୍ଥା ପଚାରି ବୁଝିଥିଲେ। ମୃତକଙ୍କ ପ୍ରତି ସମବେଦନା ଜଣାଇବା ସହ ତାଙ୍କ ପରିଜନଙ୍କୁ ୨ ଲକ୍ଷ ଲେଖାଏଁ ଅନୁକମ୍ପା ରାଶି ଓ ଆହତଙ୍କୁ ୫୦ ହଜାର ଲେଖାଏଁ ସହାୟତା ରାଶି ଘୋଷଣା କରିଛନ୍ତି।
ସୂଚନାନୁଯାୟୀ, ଏହି ଅଘଟଣ ବୁଧବାର ସନ୍ଧ୍ୟାରେ ଘଟିଛି। କୃଷକ ବଜାରର ୧୦ ନମ୍ବର ଦୋକାନର ମାଲିକ ନିଜ କର୍ମଚାରୀଙ୍କ ସହ ଦୋକାନରେ ବସିଥିଲେ। ଦୋକାନରେ ଗ୍ରାହକ ଓ କର୍ମଚାରୀମାନେ ମଧ୍ୟ ଥିଲେ। ଦୋକାନ ନିକଟରେ ହିଁ ଆଉ ଏକ ନୂଆ ଦୋକାନ ତିଆରି କରିବା ପାଇଁ କାମ କରାଯାଉଥିଲା। ହଠାତ ଦୋକାନର କାନ୍ଥ ଓ ଛାତ ଭୁଷୁଡି ପଡିଥିଲା। ପରେ ଏହାତଳେ ଦୋକାନ ମାଲିକଙ୍କ ସହ ୧୦ ଜଣ ଦାବି ହୋଇ ରହିଥିଲେ। ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ପହଞ୍ଚି ଉଦ୍ଧାରକାର୍ଯ୍ୟ ଆରମ୍ଭ କରିଥିଲେ।
Comments are closed.