‘କରୋନା ଯୋଦ୍ଧା’ ଭାବେ ଡାକ୍ତର ଓ ନର୍ସଙ୍କୁ ସମ୍ବର୍ଦ୍ଧନା କଲା ତୁଷାର ଚାରିଟେବୁଲ୍ ଟ୍ରଷ୍ଟ

ଭୁବନେଶ୍ୱର : ଆଚାର୍ଯ୍ୟ ବିହାର ତୁଷାର ଚାରିଟେବୁଲ୍ ଟ୍ରଷ୍ଟ ପକ୍ଷରୁ ପୁଲିସ୍ ବ୍ୟାରେକ୍‌ରେ ଥିବା ହସ୍ପିଟାଲ୍‌ର ଡାକ୍ତର ଓ ନର୍ସଙ୍କୁ କରୋନା ଯୋଦ୍ଧା ଭାବେ ସମ୍ବର୍ଦ୍ଧିତ କରାଯାଇଛି। ଏହି କାର୍ଯ୍ୟକ୍ରମରେ ଟ୍ରଷ୍ଟର ଉପଦେଷ୍ଟା ନବକିଶୋର ବେହେରା, ସମ୍ପାଦକ ବିବେକାନନ୍ଦ ବାରିକ, ସଭାପତି ଜିତେନ୍ଦ୍ର କୁମାର ଜେନା, ଶିଶିର କୁମାର ମହାପାତ୍ର, ବିକାଶ ଚନ୍ଦ୍ର ପଟ୍ଟନାୟକ, ଗୋଲକ ନାୟକ ପ୍ରମୁଖ ଉତ୍ତରୀୟ ଦେଇ ଡାକ୍ତର ଓ ନର୍ସଙ୍କୁ ସମ୍ବର୍ଦ୍ଧିତ କରିଥିଲେ। ଏହି ଅବସରରେ ଡା. ମମତା ନାୟକ, ଡା.ଜେ.ଶୁଭେନ୍ଦୁ ମହାନ୍ତି, ଡା.ଚିତ୍ତରଞ୍ଜନ ରାଉତ, ଶ୍ରୀଧର ବେହେରା, ପ୍ରମିଳା ସିଂ, ନିହାର ରଞ୍ଜନ ମହାପାତ୍ର, ସୌଦାମିନୀ ସାହୁ, ଅଶ୍ୱିନୀ ପାଟ୍ଟଶାଣୀ, ପ୍ରତିମା ଦେଈ, ମମତା କାନୁନଗୋଙ୍କୁ ସମ୍ମାନିତ କରାଯାଇଥିଲା। ଅମଳେଶ ଦାସ, ଦେବାଶିଷ ଚାଟ୍ଟାର୍ଜୀ, ମୁନା ମହାପାତ୍ର, ତ୍ରିନାଥ ମହାରଣା, ସୁଶାନ୍ତ ରାଉତ ପ୍ରମୁଖ ଟ୍ରଷ୍ଟ କର୍ମକର୍ତ୍ତା କାର୍ଯ୍ୟକ୍ରମ ପରିଚାଳନା କରିଥିଲେ।