କଲମପୁର: କଲମପୁର ପାଇଁ ରବିବାର ଏକ ଦୁର୍ଘଟଣାର ଦିନ। ୩ ଗୋଟି ଦୁର୍ଘଟଣାରେ ୫ ଜଣ ଗୁରୁତର ଆହତ ହେଇଛନ୍ତି। ସେମାନଙ୍କ ମଧ୍ୟରୁ ଜଣେ ଗୁରୁତରଙ୍କୁ ଜିଲା ମୁଖ୍ୟ ଚିକିତ୍ସାଲୟକୁ ସ୍ଥାନାନ୍ତର କରାଯାଇଛି।
ସୂଚନା ଅନୁସାରେ କଲମପୁର ଥୁଆମୁଳ ରାମପୁର ମୁଖ୍ୟ ରାସ୍ତାର କୁଲେଇଜୋର ବୁଲାଣି ନିକଟରେ ଜଣେ ବାଇକ ଚାଳକ ନିଜ ବାଇକରୁ ଭାରସାମ୍ୟ ହାରାଇ ରାସ୍ତାକଡରେ ଛିଟିକି ପଡିଥିଲେ। ଏଥିରେ ବାଇକ ଚାଳକ ଗୁମାବାହାଲ ଗ୍ରାମର ସୁମିତ ମାଝୀଙ୍କ ସମେତ ସାଥିରେ ଥିବା ପପୁ ନାଏକ ଆହତ ହେଇଥିଲେ। ଉଭୟଙ୍କୁ କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ଉଭୟଙ୍କ ପ୍ରାଥମିକ ଚିକିତ୍ସା ପରେ ସୁମିତର ଅବସ୍ଥା ଗୁରୁତର ହେବାରୁ ତାଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।
ସେହିପରି ଏହି ରାସ୍ତାର ସିଙ୍ଗାରୀ ଘାଟି ଛକ ନିକଟରେ ଥିବା ଡିଡି ବିଲ୍ଡର୍ସ କ୍ୟାମ୍ପ ନିକଟରେ ଉକ୍ତ ବିଲ୍ଡର୍ସରେ ନିୟୋଜିତ ହେଇ ଇନ୍ଦ୍ରାବତୀ ଦକ୍ଷିଣ ମୁକ୍ୟ କେନାଲ ମରାମତି କାର୍ଯ୍ୟ କରୁଥିବା ନୟାଗଡ ଅଞ୍ଚଳର ଜନୈକ କର୍ମଚାରୀ ଦୁର୍ଗା ପ୍ରସାଦ ବେହେରା ବାଇକରୁ ପଡି ଗୁରୁତର ହେଇଥିଲେ। ସାଥି କର୍ମଚାରୀ କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରି ଚିକିତ୍ସା କରାଇଥିଲେ।
ଏହାର ପରବର୍ତ୍ତି ସମୟରେ କଲମପୁର ଜୁନାଗଡ ମୁକ୍ୟ ରାସ୍ତାର ଦାସିଗାଁ ନିକଟରେ ଏକ ଶିଶୁକୁ ଜଣେ ବାଇକ ଚାଳକ ଧକ୍କା ଦେବାରୁ ଉଭୟ ଶିଶୁ ଏବଂ ବାଇକ ଚାଳକ ଗୁରୁତର ହେଇଥିଲେ। ସେମାନଙ୍କୁ ଉଦ୍ଧାର କରି କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି। ବାଇକ ଚାଳକ ଜଣକ ନିକଟସ୍ତ ପାତ୍ରବାସୀ ଗ୍ରାମର ଧିବର କେତକୀ ବୋଲି ଚିହ୍ନଟ ହେଇଥିବା ବେଳେ ଶିଶୁଟି ଦାସିଗାଁର ହେମରାଜ ନାଗ ୮ ବର୍ଷ ବୋଲି ସୁଚନା ମିଳିଛି। ଧିବର କୌଣସି କାମରେ ଏକ ବାଇକ ଯୋଗେ ଜୁନାଗଡ ଯାଉଥିବା ବେଳେ ଦାସିଗାଁରେ ନିଜ ବାଇକରୁ ଭାରସାମ୍ୟ ହରାଇ ରାସ୍ତାରେ ଯାଉଥିବା ଶିଶୁକୁ ଧକ୍କା ଦେଇ ପଡିଯାଇଥିଲା।
Comments are closed.