ଯେବେ ମଧ୍ୟ ସୌନ୍ଦର୍ଯ୍ୟପୂର୍ଣ୍ଣ ସ୍ଥାନ ବିଷୟରେ ଆଲୋଚନା କରାଯାଏ, ତେବେ ଅନେକ ଲୋକଙ୍କ ମନରେ ବିଦେଶରେ ଥିବା ସ୍ଥାନର ଛବି ଆସେ। ମାତ୍ର ହୁଏତ ଅଧିକାଂଶ ଲୋକେ ଭାରତ ସୌନ୍ଦର୍ଯ୍ୟମୟ ସ୍ଥାନ ବିଷୟରେ ଜାଣି ନଥିବେ। ଯାହା ନିଜର ସୁନ୍ଦର ରୂପ ପାଇଁ ବେଶ ପ୍ରସିଦ୍ଧ। ଜାଣନ୍ତୁ ସେଭଳି କିଛି ସ୍ଥାନ ବିଷୟରେ….
– ମଣିପୁରରେ ଲୋକଟକ ହ୍ରଦ ରହିଛି। ଏହା ନିଜର ସୁନ୍ଦର ପାରିପାଶ୍ୱିର୍କ ପ୍ରାକୃତିକ ସୁନ୍ଦରତା ପାଇଁ ଖୁବ ପ୍ରସିଦ୍ଧ। ଏହି ହ୍ରଦରେ ଏକ ବଡ଼ ଦ୍ୱୀପ କାୟବୁଲ ଲାମଜାଓ ରହିଛି। ଯାହାର କ୍ଷେତ୍ରଫଳ ୪୦ ବର୍ଗ କିଲୋମିଟର। ଏଠାକାର ଦ୍ୱୀପର ସୁନ୍ଦରତା ବାସ୍ତବିକ ଦେଖିବା ଯୋଗ୍ୟ।
ସିକ୍କିମର ରାଜଧାନୀ ଗାଙ୍ଗଟୋକ ଠାରୁ ୧୪୮ କିଲୋମିଟର ଦୂରରେ ସ୍ଥିତ ୟୁମଥାଙ୍ଗ ଉପତ୍ୟକା , ଯାହାକୁ ଫୁଲର ଉପତ୍ୟକା ବୋଲି କୁହାଯାଏ। ଏଠାରେ ଲାଲ, ହଳଦିଆ, ଧଳା, ନାରଙ୍ଗୀ, ବାଇଗଣୀ ରଙ୍ଗର ଫୁଲ ଦେଖିବାକୁ ମିଳେ। ଏହି ଉପତ୍ୟକା ହିମାଳୟ ପର୍ବତ ଦ୍ୱାରା ଘେରି ହୋଇ ରହିଛି। ଏହା ଖୁବ ସୁନ୍ଦର। ବରଫ ପଡ଼ିବା ଦ୍ୱାରା ଡ଼ିସେମ୍ବରରୁ ମାର୍ଚ୍ଚ ଯାଏଁ ଏହା ବନ୍ଦ ରଖାଯାଏ।
କୁହାଯାଏ ,କେରଳ ନିଜର ସୁନ୍ଦରତା ପାଇଁ ସାରା ଭାରତରେ ବେଶ ପ୍ରସିଦ୍ଧ। ମାତ୍ର ମୁନ୍ନାର ଚା’ବଗିଚା ଏଠାକାର ଏକ ବିଶେଷ ସୌନ୍ଦର୍ଯମୟ ସ୍ଥାନ ବୋଲି କୁହାଯାଏ। ଏହି ସ୍ଥାନ ସମୁଦ୍ର ତଟ ଠାରୁ ପ୍ରାୟ ୭ହଜାର ଫିଟ ଉଚ୍ଚରେ ସ୍ଥିତ। ଏଠାକାର ସୁନ୍ଦର ଦୃଶ୍ୟ ସଭିଁଙ୍କ ମନକୁ ମୋହି ନେଇଥାଏ।
ମେଘାଳୟର ନୋହକଲିକାଇ ଜଳପ୍ରପାତ ଭାରତର ସବୁଠାରୁ ଉଚ୍ଚ ଓ ସୁନ୍ଦର ଝରଣା ମଧ୍ୟରୁ ଗୋଟିଏ। ଏହାର ଉଚ୍ଚତା ପ୍ରାୟ ୧୧୦୦ ଫୁଟ। ଏହି ଝରଣାର ଖୁବ ସୁନ୍ଦର।
Comments are closed.