ଏହି ନଦୀରେ ବୋଟିଂ ପାଇଁ ଜମେ ପର୍ଯ୍ୟଟକଙ୍କ ଭିଡ଼

0

ପର୍ଯ୍ୟଟନ ଋତୁ ଆରମ୍ଭ ହୋଇସାରିଲାଣି। ଭ୍ରମଣପ୍ରେମୀମାନେ ନିଜ ରୁଚି ଅନୁଯାୟୀ ବିଭିନ୍ନ ସ୍ଥାନକୁ ବୁଲିବାକୁ ଯାଇଥାଆନ୍ତି। ଅଧିକାଂଶ ଲୋକେ କୌଣସି ବିଳାସମୟ ହୋଟେଲ ଠାରୁ ପ୍ରକୃତିର ସୌନ୍ଦର୍ଯ୍ୟକୁ ଅଧିକ ପସନ୍ଦ କରିଥାଆନ୍ତି। ପ୍ରକୃତି ପ୍ରେମୀମାନଙ୍କ ପାଇଁ ଏମିତି ଏକ ସୁନ୍ଦର ସ୍ଥାନ ବିଷୟରେ ଜାଣନ୍ତୁ ଯେଉଁଠାକୁ ଦେଶବିଦେଶରୁ ବହୁ ପର୍ଯ୍ୟଟକ ବୋଟିଂ କରିବାକୁ ଆସିଥାଆନ୍ତି। ଏପରି ଏକ ସୁନ୍ଦର ସ୍ଥାନ ହେଉଛି, ଭାରତ – ବାଂଲାଦେଶ ସୀମା ନିକଟ ପୂର୍ବ ଜୟନ୍ତିଆ ପାହାଡ଼ ଜିଲାର ଏକ ଛୋଟ ସହର ଦାବକୀ ମଧ୍ୟ ଦେଇ ପ୍ରବାହିତ ହେଉଥିବା ଉମନଗୋତ ନଦୀ। ଏହି ଛୋଟ ସହରଟି ରାଜଧାନୀ ସିଲଙ୍ଗଠୁ ୯୫ କିଲୋମିଟର ଦୂରରେ ଅବସ୍ଥିତ। ଏହି ନଦୀର ସ୍ୱତନ୍ତ୍ରତା ହେଉଛି ଏହାର ପାଣି ସଂପୂର୍ଣ୍ଣ କାଚ ଭଳି ଦେଖିବାକୁ। ଏହା ଉପରେ ବୋଟିଂ କଲେ କାଚ ଉପରେ ପହଁରିବା ପରି ଲାଗିଥାଏ। ଏହି ଦୃଶ୍ୟ ସଭିଁଙ୍କ ମନମୁଗ୍ଧ କରିଦେଇଥାଏ। ନଦୀରେ ନୌକା ଚାଲିବା ସମୟରେ ଲାଗିଥାଏ ଯେମିତି କାଚ ଉପରେ ଲୋକେ ବସିଛନ୍ତି। ଏହି ନଦୀରେ ବୋଟିଂ କରିବା ପାଇଁ ତଥା ଏପରି ସୌନ୍ଦର୍ଯ୍ୟମୟ ଦୃଶ୍ୟର ମଜା ନେବା ପାଇଁ ଏହାକୁ ବହୁ ପର୍ଯ୍ୟଟକଙ୍କ ଭିଡ଼ ଜମିଥାଏ।ଉମନଗୋତ ନଦୀର ଆଖପାଖ ମତ୍ସ୍ୟଜୀବୀଙ୍କ ପାଇଁ ମାଛ ଧରିବା ପାଇଁ ଏକ ପ୍ରମୁଖ ସ୍ଥଳ ଅଟେ। ନଦୀର ପାଖରେ ଥିବା ସବୁଜ ବନାନୀ ବେଷ୍ଟିତ ପରିବେଶ ମନରେ ଏକ ଅଦ୍ଭୁତ ଶାନ୍ତି ସୃଷ୍ଟି କରିଥାଏ।
ଗମନାଗମନ ଦୃଷ୍ଟିରୁ ଗୌହ୍ୱାଟି ରେଳ ଷ୍ଟେସନ ଏହାର ନିକଟତର ରେଳ ଷ୍ଟେସନ ଅଟେ।

Comments
Loading...