ସିଡ୍ନୀ . – ଅଷ୍ଟ୍ରେଲିଆର ପିଲବାରାରେ ବିନା ଡ୍ରାଇଭରରେ ଗୋଟିଏ ରେଳ ଗାଡି ୯୨ କିଲୋମିଟର ଚାଲିଛି । ବିଏଚ୍ପି ବିଲିଟନ୍ ନାମକ ଖଣି ଉତ୍ତୋନକାରୀ କମ୍ପାନୀ ସୋମବାରରେ ଲୁହାପଥର ବୋଝେଇ ଏହି ମାଲ ଗାଡିରେ ଡ୍ରାଇଭର ନ ଥିଲେ । ଏଥିରେ ୨୬୮ଟି ଓ୍ୱାଗନ ଲାଗିଥିଲା । ଘଣ୍ଟାକୁ ୧୮୦ କିଲୋମିଟର ବେଗରେ ରେଳଗାଡିଟି ଗତି କରିବାକୁ ଆରମ୍ଭ କରିଥିଲା । ୯୨ କିଲୋମିଟର ବିନା ଡ୍ରାଇଭରରେ ଚାଲିବା ପରେ ଏହାକୁ ଲାଇନ ଚ୍ୟୁତ କରାଯାଇଥିଲା ।
ଅଷ୍ଟ୍ରେଲିଆର ବେସରକାରୀ ରେଳ ସଂସ୍ଥା ମାଉଣ୍ଟ ନିଉମ୍ୟାନ ଏହି ରେଳ ଗାଡିର ତତ୍ୱାବଧାନରେ ରହିଛି । ରେଳଗାଡିଟି ବେସରକାରୀ ରେଳ ଧରଣାରେ ଚାଲିଥିଲା । ୯୨ କିଲୋମିଟର ଯିବା ବେଳେ ଏଥିଲେ କେହି ଆହତ ହୋଇ ନଥିବା ମାଉଣ୍ଟ ନିଉମ୍ୟାନ ରେଳ ଚଳାଚଳ ସୂଚନା ଦେଇଛି । ରେଳଗାଡିକୁ ଲାଇନଚ୍ୟୁତ କରିବା ପରେ ରେଳଧାରଣ ସାମନ୍ୟ କ୍ଷତିଗ୍ରସ୍ତ ହୋଇଥିବାରୁ ସେହି ଧାରଣରେ ରେଳ ଚଳାଚଳ ବନ୍ଦ ରହିଛି ।