ପର୍ଯ୍ୟଟକଙ୍କ ଗାଡିକୁ ଦାନ୍ତରେ ଟାଣି ଧରିଲା ବାଘ

ଅନେକ ସମୟରେ ସୋସିଆଲ ମିଡିଆରେ ଏପରି ବହୁ ଭିଡିଓ ଓ ଫଟୋ ଭାଇରାଲ ହୋଇଥାଏ, ଯାହା ଦେଖିବାକୁ ଖୁବ ମଜା ଚକିତ ସହ ଭୟ ମଧ୍ୟ ଲାଗିଥାଏ। ବିଶେଷ କରି ବନ୍ୟଜନ୍ତୁ ମାନଙ୍କ ଭିଡିଓ ଦେଖିବାକୁ ମଜା ସହ ଅନେକ ସମୟରେ ଭୟ ଲାଗିଥାଏ। କିଛିଦିନ ହେବ ସୋସିଆଲ ମିଡିଆରେ ଏଭଳି ହିଁ ଏକ ଭିଡିଓ ଖୁବ ଭାଇରାଲ ହେଉଛି। ଭିଡିଓଟି ଏକ ଜାତୀୟ ଉଦ୍ୟାନର ବୋଲି ଜଣାପଡ଼ିଛି। ଭିଡିଓରେ ଦେଖାଯାଉଛି ଏକ ବାଘ ସଫାରୀ ଗାଡିକୁ ନିଜ ଦାନ୍ତରେ କାମୁଡି ପଛକୁ ଟାଣି ଧରିବାରେ ଲାଗିଛି। ବାଘର ଶକ୍ତି କଳ୍ପନା ଠାରୁ ଅଧିକ ତାହା ସଭିଁଙ୍କୁ ଜଣା। ମାତ୍ର ସାମ୍ନାରେ ବାଘର ଏପରି ଶକ୍ତି ସଭିଁଙ୍କୁ ଆଶ୍ଚର୍ଯ୍ୟ କରି ଦେଉଛି।
ଭିଡିଓଟି କିଛି ଦିନ ପୂର୍ବରୁ ହିଁ ସୋସିଆଲ ମିଡିଆରେ ଶେୟାର ହୋଇଛି। ବର୍ତ୍ତମାନ ହଜାର ହଜାର ଲୋକେ ଏହି ଭିଡିଓକୁ ଦେଖି ସାରିବା ସହ ଖୁବ ଶେୟାର କରାଯାଉଛି। ଅଧିକାଂଶ ଲୋକେ ଜଙ୍ଗଲକୁ ସଫାରୀ ପାଇଁ ଗଲେ ବହୁ ବନ୍ୟଜନ୍ତଙ୍କ ଫଟୋ ଓ ଭିଡିଓ ଶେୟାର କରିଥାଆନ୍ତି। ଯାହା କି ବହୁ ଲୋକଙ୍କ ମନ କିଣିଥାଏ।
ଏହି ଭିଡିଓ ଟିର ସମୟ ସୀମା ୧ମିନିଟ ୩୦ ସେକେଣ୍ଡ ରହିଛି। ବାଘଟି ଯେଉଁ ସଫାରୀ ଗାଡିକୁ ଦାନ୍ତ ଟାଣି ଧରିଥିଲା ସେଥିରେ ପର୍ଯ୍ୟଟକ ଥିବା ସହ ନିକଟରେ ଆଉ ଏକ ସଫାରୀ ଗାଡ଼ିରେ ଥିବା ପର୍ଯ୍ୟଟକ ଏହି ଭିଡିଓ କରିଥିଲେ।

Comments
Loading...