ଶତାବ୍ଦୀ ଧରି ସୂର୍ଯ୍ୟ ମନ୍ଦିର ସୁରକ୍ଷିତ ଥିଲା ଓ ରହିବ: କେନ୍ଦ୍ର ମନ୍ତ୍ରୀ ପ୍ରହଲାଦ ସିଂ ପଟେଲ

କୋଣାର୍କ: କେନ୍ଦ୍ର ପର୍ଯ୍ୟଟନ ମନ୍ତ୍ରୀ ପ୍ରହଲାଦ ସିଂ ପଟେଲ ଓଡିଶା ଗସ୍ତରେ ଆସି କୋଣାର୍କ ସୂର୍ଯ୍ୟ ମନ୍ଦିର ପରିଦର୍ଶନ କରିଛନ୍ତି। ଏହି ଅବସରରେ ସେ ଗଣମାଧ୍ୟମ ପ୍ରତିନିଧିଙ୍କ ସାମ୍ନାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଗୁଣଗାନ କରିଛନ୍ତି। କୋଣାର୍କ ସୂର୍ଯ୍ୟ ମନ୍ଦିର କେତେ ସୁରକ୍ଷିତ ବୋଲି ଗଣମାଧ୍ୟମ ପ୍ରତିନିଧିଙ୍କ ପ୍ରଶ୍ନର ଉତ୍ତର ଦେଇ ମନ୍ତ୍ରୀ ପ୍ରହଲାଦ ସିଂ ପଟେଲ କହିଛନ୍ତି ଯେ, ଶତାବ୍ଦୀ ଧରି ସୂର୍ଯ୍ୟ ମନ୍ଦିର ସୁରକ୍ଷିତ ଥିଲା ଏବଂ ଆଗାମୀ ଦିନରେ ସୁରକ୍ଷିତ ରହିବ। ଏହାର ସୁରକ୍ଷାର ଦାୟିତ୍ବ ସରାକାରଙ୍କ ବୋଲି ସେ କହିଛନ୍ତି।

tourism-minister-prahlad-singh-patel-at-konarka

କେନ୍ଦ୍ର ପର୍ଯ୍ୟଟନ ମନ୍ତ୍ରୀ ପ୍ରହଲାଦ ସିଂ ପଟେଲ ଶୁକ୍ରବାର ପୂର୍ବାହ୍ନରେ ଭୁବନେଶ୍ବର ବିମାନ ବନ୍ଦରରେ ପହଞ୍ଚିବା ପରେ ରାଜ୍ୟ ବିଜେପି ପକ୍ଷରୁ ତାଙ୍କୁ ଭବ୍ୟ ସ୍ୱାଗତ କରାଯାଇଥିଲା। ପରେ ସେଠାରୁ ସେ ସିଧାସଳଖ କୋଣାର୍କ ସୂର୍ଯ୍ୟ ମନ୍ଦିର ପରିଦର୍ଶନ ପାଇଁ ଯାତ୍ରା ଅରମ୍ଭ କରିଥିଲେ। ସେଠାରେ ପହଞ୍ଚିଲା ପରେ ମନ୍ତ୍ରୀ ପ୍ରହଲ୍ଲାଦ ସିଂ କୋଣାର୍କ ସୂର୍ଯ୍ୟ ମନ୍ଦିର ବୁଲି ଦେଖିବା ସହ କିଛି ବିଦେଶୀ ପର୍ଯ୍ୟଟକଙ୍କ ସହ ବର୍ତ୍ତାଳାପ କରିଥିଲେ। ପରେ ଆଇଓସିଏଲ୍‌ର ବାଖ୍ୟାନ କେନ୍ଦ୍ରରେ ବିଶ୍ରାମ ନେବା ପରେ ମଧ୍ୟାହ୍ନ ଭୋଜନ କରି ସେଠାରୁ ଇକୋ ରିଟ୍ରିଟ୍ ଅଭିମୁଖେ ଯାତ୍ରା ଆରମ୍ଭ କରିବେ। ସେଠାରେ ଆୟୋଜିତ ଦୁଇ ଦିନିଆ ସର୍ବଭାରତୀୟ ପର୍ଯ୍ୟଟନ ସମ୍ମିଳନୀର ଉଦ୍‌ଯାପନୀ ସନ୍ଧ୍ୟାରେ ଯୋଗଦେବାର କାର୍ଯ୍ୟକ୍ରମ ରହିଛି। ମନ୍ତ୍ରୀ ପ୍ରହଲାଦ ସିଂ ପଟେଲ ଦିନ ୩ଟାରେ ସମ୍ମିଳନୀରେ ଯୋଗ ଦେବେ ଜଣାପଡିଛି।

Comments
Loading...