ବୃଦ୍ଧି ପାଇଛି ଖରିଫ ଧାନ ସଂଗ୍ରହ : କୃଷି କ୍ଷେତ୍ର ଉପରେ ଲକଡାଉନ୍ ପ୍ରଭାବହୀନ

କରୋନା ସଂକଟ କାଳରେ କୃ​ଷି କାର୍ଯ୍ୟ ପାଇଁ କଟକଣା କୋହଳରୁ ଲାଭ

ନୂଆଦିଲ୍ଲୀ : ଦେଶରେ ଖରିଫ ଧାନ ସଂଗ୍ରହ ପରିମାଣ ବୃଦ୍ଧି ପାଇଛି। କରୋନା ସଂକଟ କାଳରେ କୃ​ଷି କାର୍ଯ୍ୟ ପାଇଁ କଟକଣା କୋହଳ କରାଯିବାରୁ ଚଳିତ ବର୍ଷ ଭଲ ଫସଲ ଉତ୍ପାଦନ ହୋଇଛି। ଦେଶର ସମସ୍ତ ରାଜ୍ୟରେ ମୋଟ୍‍ ଧାନ ସଂଗ୍ରହ ଗତବର୍ଷର ୧୭ଲକ୍ଷ ୭୦ହଜାର ଟନ୍‍ ତୁଳନାରେ ଚଳିତ ବର୍ଷ ୨୬ଲକ୍ଷ ଟନ୍‍କୁ ଅତିକ୍ରମ କରିଛି। ଯାହା ଗତ ବର୍ଷ ତୁଳନାରେ ୪୮ ପ୍ରତିଶତ ଅଧିକ।

ଗତବର୍ଷ ଖରିଫ୍‍ ଋତୁରେ ପଞ୍ଜାବରୁ  ୧ ଲକ୍ଷ ୭୬ହଜାର ଟନ୍‍ ଧାନ ସଂଗ୍ରହ କରାଯାଇଥିବା ବେଳେ ଚଳିତ ବର୍ଷ ପ୍ରାୟ ୧୬ଲକ୍ଷ ଟନ୍‍ ଧାନ ସଂଗ୍ରହ କରାଯାଇଛି ବୋଲି କୃଷି ମନ୍ତ୍ରଣାଳୟ କହିଛି। ଯାହା ଗତ ଖରିଫ୍‍ ଋତୁ ତୁଳନାରେ ୯୦୦ ପ୍ରତିଶତ ଅଧିକ। ସେହିପରି ତାମିଲନାଡୁରୁ ୫୧୭ଟନ୍‍ ଧାନ ସଂଗ୍ରହ ହୋଇଛି। ତେବେ ଗତବର୍ଷ ସେଠାରୁ ୩୨୦ ଟନ୍‍ ଧାନ ସଂଗ୍ରହ କରାଯାଇଥିଲା। ସେହିଭଳି ଉତ୍ତର ପ୍ରଦେଶରୁ ଚଳିତ ଖରିଫ୍‍ ଋତୁରେ ୪ହଜାର ୪୨୩ଟନ୍‍ ଧାନ ସଂଗ୍ରହ କରାଯାଇଥିବାବେଳେ ଗତବର୍ଷ ସେଠାରୁ ୯୨ଟନ୍‍ ଧାନ ସଂଗ୍ରହ କରାଯାଇଥିଲା।

ଅନ୍ୟାନ୍ୟ ରାଜ୍ୟରୁ ଧାନ ଅମଳ ଓ ସଂଗ୍ରହ ଆରମ୍ଭ ହେଲେ ଏହି ପରିମାଣ ଯଥେଷ୍ଟ ବୃଦ୍ଧି ପାଇବା ଆଶା କରାଯାଉଛି।

Comments
Loading...