କୋଭିଡ ମୁକାବିଲା ପାଇଁ ପୌର ପରିଷଦର ଜନସମ୍ପର୍କ ଅଭିଯାନ

ଟିଟିଲାଗଡ : ଟିଟିଲାଗଡ ସହରରେ କୋଭିଡ ମୁକାବିଲା ପାଇଁ ଉପଜିଲ୍ଲାପାଳ ତଥା ଭାରପ୍ରାପ୍ତ ପୌର ନିର୍ବାହୀ ଅଧିକାରୀ ସୌମେଶ୍ ଉପାଧ୍ୟାୟ ସ୍ବତନ୍ତ୍ର ଅଭିଯାନ ଆରମ୍ଭ କରିଛନ୍ତ। ଏନେଇ ଶନିବାର ସ୍ଥାନୀୟ ରାଜକନ୍ବର ପାର୍କ ପରିସରରେ ବାର ଆସୋସିଏସନ୍ ସଭ୍ୟଙ୍କ ସହ ବୈଠକ ଅନୁଷ୍ଠିତ ହୋଇଯାଇଛି। ସହରରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ସହ ଗୋଷ୍ଠୀ ସଂକ୍ରମଣ ଆରମ୍ଭ ହେଇଥିବା ନେଇ କିିଛି ଅଞ୍ଚଲକୁ କଣ୍ଟେନମେଣ୍ଟ ଘୋଷଣା କରାଯାଇଛି । ଏନେଇ ସହରବାସୀ କୋଭିଡ ନିୟମ କଡାକଡି ପାଳନ କରିବା ପାଇଁଁ  ଉପଜିଲ୍ଲାପାଳ ଅନୁରୋଧ କରିଛନ୍ତି ।

ସେହିପରି ୨୪ ଘଣ୍ଟିଆ ହେଲପଲାଇନ ନମ୍ୱର ଜାରି କରାଯାଇଛି। ମନରେ ଉତ୍ସୁକତା ନେଇ ଆଗକୁ କାହାରି ଟେଷ୍ଟ କରିବାକୁ  ମନା କରାଯାଇଛି। କେବଳ ଲକ୍ଷଣ ଥିବା ରୋଗୀଙ୍କ ପରୀକ୍ଷା କରାଯିବ। ବୈଠକରେ ବାର ସଭାପତି କୃଷ୍ଣ ଚନ୍ଦ୍ର ବାବୁ, ଏସଡିପିଓ ସୁରେନ୍ଦ୍ର ନାଥ ଶତପଥୀ, ଉପଖଣ୍ଡ ସୁଚନା ଓ ଲୋକସମ୍ପର୍କ ଅଧିକାରୀ ମନୋଜ ବେହେରା, ଡ଼ା ଜଗଦୀଶ ବାଦକା, ପୌର ସ୍ଵାସ୍ଥ୍ୟ ଅଧିକାରୀ ଡା ଶିଶିର୍ ସାହୁ ମହାମାରୀ ର ମୁକାବିଲା ନେଈ ମତାମତ ପ୍ରଦାନ କରିଥିଲେ। ବରିଷ୍ଠ ଓକିଲ ରବିକିରଣ ସ୍ଵାଇଁ, ପ୍ରଭାସ ବହିଦାର, ସୁଧିର ମିଶ୍ର ପ୍ରମୁଖ ବହୁ ଆଇନଜୀବୀ ବୈଠକରେ ଯୋଗ ଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ ।

Comments are closed.