ଶରୀରକୁ ସୁନ୍ଦର କରିବା ପାଇଁ ଆମେ ଭଲ ଭଲ ପୋଷାକ ସହ ଭିନ୍ନ ଭିନ୍ନ ଚପଲ ମଧ୍ୟ ପିନ୍ଧିଥାଉ। ପୋଷକ ସହ ଚପଲକୁ ମ୍ୟାଚିଙ୍ଗ୍ କରି ପିନ୍ଧିଲେ ଆମ ସୁନ୍ଦରତା ଦୁଇ ଗୁଣ ହୋଇଯାଏ। ମାତ୍ର ନୂତନ ଚପଲ କିମ୍ବା ଜୋତା ପିନ୍ଧିଲେ ପାଦ ଯେତେ ସୁନ୍ଦର ଦେଖାଯାଏ, ଏହାକୁ ପିନ୍ଧିଲା ପରେ ବହୁ କଷ୍ଟ ମଧ୍ୟ ହୋଇଥାଏ। ବହୁ ସମୟରେ ଏହି କାରଣରୁ ପାଦରେ କ୍ଷତ ସୃଷ୍ଟି ହୋଇଥାଏ। ଯାହା ଦ୍ୱାରା ଚପଲ ହେଉ ଅଥବା ଜୋତା ପିନ୍ଧିବାକୁ ଆଗ୍ରହ ହୋଇନଥାଏ। କେତୋଟି ସହଜ ଉପାୟରେ ଆମେ ଏହି ସମସ୍ୟାରୁ ମୁକ୍ତି ପାଇପାରିବା। ଜାଣନ୍ତୁ ତାହା କ’ଣ ….
ବେବି ପାଉଡ଼ର ….
ଯେକୌଣସି ନୂଆ ଚପଲ ବା ଜୋତା ପିନ୍ଧିବା ଆଗରୁ ସେଥିରେ ବେବି ପାଉଡ଼ର ପକାନ୍ତୁ। ପାଉଡ଼ର ପକାଇବା ପରେ ଚପଲ ପିନ୍ଧିବା ବେଳେ ଧ୍ୟାନ ଦେବେ ଯେପରି ପାଦ ଓଦା ନଥାଏ।
ନୂଆ ଚପଲ ବା ଜୋତା ପିନ୍ଧିବା ବେଳେ ପ୍ରଥମେ ୨ କିମ୍ବା ୩ ଦିନ ମୌଜା ପିନ୍ଧିଲେ ମଧ୍ୟ ଏହି ସମସ୍ୟାରୁ ମୁକ୍ତି ପାଇପାରିବ ।
ଦୁଇଟି ଛୋଟ ପଲିଥିନ ଜରିରେ ପାଣି ରଖି ଏହାର ମୂଳ ଅଂଶକୁ ରବରରେ ବାନ୍ଧି ଦିଅନ୍ତୁ। ଏହାକୁ ଜୋତାର ଶେଷ ଭାଗରେ ରଖି ରାତିରେ ଫ୍ରିଜରେ ରଖି ଦିଅନ୍ତୁ। ଏହି ଜୋତାକୁ ସକାଳେ ପିନ୍ଧନ୍ତୁ। ଏହା ସାମାନ୍ୟ ଢିଲା ହୋଇଯିବ। ଯାହାଦ୍ୱାରା ପାଦରେ କ୍ଷତ ସୃଷ୍ଟି ହେବ ନାହିଁ।
କ୍ଷତରେ ବ୍ୟବହାର କରୁଥିବା ବ୍ୟାଣ୍ଡେଡ଼କୁ ନୂତନ ଜୋତା କିମ୍ବା ଚପଲରେ ସେହି ସ୍ଥାନରେ ଲଗାନ୍ତୁ, ଯେଉଁ ସ୍ଥାନରେ ଏହା ପାଦରେ କ୍ଷତ ସୃଷ୍ଟି କରେ। ଏହା ମଧ୍ୟ ଖୁବ ଲାଭଦାୟକ ଅଟେ।