ଟିକଟକ ଆପ୍‌ ଉପରୁ ନିଷେଧାଦେଶ ହଟାଇଲେ ମାଡ୍ରାସ ହାଇକୋର୍ଟ

ଚେନ୍ନାଇ .- ମାଡ୍ରାସ ହାଇକୋର୍ଟ ଟିକ୍‌ଟକ୍‌ ଆପ୍‌ ଉପରୁ ନିଷେଧାଦେଶ ହଟାଇ ଦେଇଛନ୍ତି । କିଛି ସର୍ତ୍ତ ସହ ହାଇକୋର୍ଟ ଏହି ନିଷେଧାଦେଶକୁ ହଟାଇଛନ୍ତି । ଏହି ଲୋକପ୍ରିୟ ଆପ୍‌ ଚୀନ୍‌ କମ୍ପାନୀ ବାଇଟ୍‌ଡାଂସର । ମଥୁକୁମାର ନାମକ ଆଇନଜୀବୀ ଟିକ୍‌ଟକ୍‌ ଆପ୍‌ ନିଷେଧ କରିବା ପାଇଁ ଏକ ଜନସ୍ୱାର୍ଥ ମାମଲା ଦାୟର କରିଥିଲେ । ଆପ୍‌ରେ ଅଶୀଳ୍ଳ, ନଗ୍ନ ଓ ଆପତ୍ତିଜନକ ଭିଡିଓ ଅପ୍‌ଲୋଡ କରାଯାଉଥିବା ଅଭିଯୋଗ ହୋଇଥିଲା । ଏହାର ଖରାପ ପ୍ରଭାବ ଯୁବପୀଢିଙ୍କ ଉପରେ ପଡୁଥିବା ଅଭିଯୋଗ ହୋଇଥିଲା । ଏହାର ବିଚାରକରି ମାଡ୍ରାସ ହାଇକୋର୍ଟ ଟିକ୍‌ଟକ୍‌ ଆପ୍‌କୁ ନିଷେଧ  ଘୋଷଣା କରିଥିଲେ । ପରେ ପ୍ଲେ ଷ୍ଟୋର ଓ ଆଇଓଏସ୍‌ ଷ୍ଟୋରରୁ ଏହାକୁ ହଟାଇ ଦିଆଯାଇଥିଲା ।  ଟିକ୍‌ଟକ୍‌ରେ ଅଶୀଳ୍ଳ ଓ ଆପତ୍ତିଜନକ ଭିଡିଓ ଅପଲୋଡ୍‌ ନ କରିବା ପାଇଁ ଅଦାଲତ ନିର୍ଦେଶ ଦେଇଛନ୍ତି । ଏପରି କଲେ ଅଦାଲତ ଅବମାନନା ମାମଲା ରୁଜୁ ହେବ ବୋଲି ରାୟରେ ଦର୍ଶାଇଛନ୍ତି ।ଏହା ସହ ଆପ୍‌ ଉପରୁ ନିଷେଧାଜ୍ଞାକୁ ହଟାଇଛନ୍ତି ।

ଚଳିତମାସରେ ଏହି ଆପ୍‌ରୁ  ମାଡ୍ରାସ ହାଇକୋର୍ଟ ନିଷେଧ ଘୋଷଣା କରିଥିଲେ । ପରେ କମ୍ପାନୀ ସୁପ୍ରିମକୋର୍ଟ ଯାଇଥିଲା ।  ସୁପ୍ରିମକୋର୍ଟ ୨୪ ଏପ୍ରିଲ ମଧ୍ୟରେ ଏହି ମାମଲାର ଶୁଣାଣୀ କରିବା ପାଇଁ କହିଥିଲେ । ଏହି ମାମଲାରେ କୌଣସି ରାୟ ଦେବାକୁ ମନାକରିଥିଲେ । ୨୪ ତାରିଖରେ ମାଡ୍ରାସ ହାଇକୋର୍ଟ କିଛି ସର୍ତ୍ତ ସହ ଏହାର ନିଷେଧାଦେଶକୁ ହଟାଇଛନ୍ତି ।

Comments
Loading...