ଏପ୍ରିଲ ୧୫ରେ ହେବ ଟିକ୍‌ଟକ୍‌ ଆପ୍ ମାମଲାର ଶୁଣାଣି

ନୂଆଦିଲ୍ଲୀ : ଟିକ୍‌ଟକ୍ ଆପରେ ଥିବା ଅଶ୍ଳୀଳ ଭିଡିଓ ଡାଉନଲୋଡ ଉପରେ ରୋକ ଲଗାଇବାକୁ ମାଡ୍ରାସ ଉଚ୍ଚ ନ୍ୟାୟାଳୟ କେନ୍ଦ୍ରକୁ ଦେଇଥିବା ନିର୍ଦେଶ ଉପରେ ତୁରନ୍ତ ଶୁଣାଣି କରିବାକୁ ସୁପ୍ରିମକୋର୍ଟ ମନା କରି ଦେଇଛନ୍ତି । ଆସନ୍ତା ୧୫ ତାରିଖରେ ସୁପ୍ରିମକୋର୍ଟ ଟିକ୍‌ଟକ୍‌ ମାମଲାରେ ଶୁଣାଣି କରିବେ ବୋଲି ସୂଚନା ମିଳିଛି । ଠିକ୍‌ ସମୟରେ ଶୁଣାଣି ହେବ ବୋଲି ପ୍ରଧାନ ବିଚାରପତି ଜଷ୍ଟିସ ରଞ୍ଜନ ଗୋଗୋଇଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ କହିଛନ୍ତି। ଏହି ଆପ୍ ମାଧ୍ୟମରେ ସମାଜକୁ ଅଶ୍ଳୀଳ ଏବଂ ଅରୁଚିକର ବାର୍ତ୍ତା ଯାଉଥିବା ଅଭିଯୋଗରେ ଏପ୍ରିଲ ୩ ତାରିଖରେ ମାଡ୍ରାସ ହାଇକୋର୍ଟ ଟିକଟକ୍ ଉପରେ ପ୍ରତିବନ୍ଧକ ଲଗାଇବାକୁ କେନ୍ଦ୍ରକୁ ନିର୍ଦ୍ଦେଶ ଦେଇଥିଲେ । ଏହି ଜନହିତ ପିଟିସନ ଆଧାରରେ କୋର୍ଟ ଅସ୍ଥାୟୀ ଆଦେଶ ମଧ୍ୟ ଜାରି କରିଥିଲେ । ଏତତ୍ ବ୍ୟତୀତ କୋର୍ଟ ଏହା ମଧ୍ୟ କହିଥିଲେ ଯେ, ଟିକ୍‌ଟକ୍‌ ଭିଡିଓକୁ ଫେସବୁକ୍ ଭଳି ସୋସିଆଲ ମିଡିଆରେ ଶେୟାର କରିବା ଉପରେ ରୋକ ଲଗାଯିବ ।

Comments
Loading...