ଗଣିଆ : ମହାନଦୀ ବନ୍ୟପ୍ରାଣୀ ବନଖଣ୍ଡ ଅଧୀନ ସାତକୋଶିଆ ଅଭୟାରଣ୍ୟରେ ବାଘ ସଂଖ୍ୟା ଗଣନା ଓ ତୃଣଭୋଜି ପ୍ରାଣୀଙ୍କ ପ୍ରତ୍ୟକ୍ଷ ଗଣନା କାର୍ଯ୍ୟ ଆରମ୍ଭ ହୋଇଛି। ଏହି ବନଖଣ୍ଡ ଅଧିନରେ ଥିବା ଛାମୁଣ୍ଡିଆ, କୁସଙ୍ଗ, ବାଣିଗୋଛା ପୂର୍ବ ଓ ପଞ୍ଚିମ ବନାଞ୍ଚଳ ଅଧୀନରେ ଥିବା ଗଣିଆ ବନାଞ୍ଚଳ କର୍ମଚାରୀଙ୍କ ଦ୍ୱାରା ଗଣନା କାର୍ଯ୍ୟାରମ୍ଭ କରାଯାଇଛି। ଚଳିତ ମାସ ୨୩ ତାରିଖ ପର୍ଯ୍ୟନ୍ତ ମହାବଳ,କଲରାପତରିଆ ବାଘ ଓ ଅନ୍ୟାନ୍ୟ ମାଂସାସୀ ପ୍ରାଣୀଙ୍କ ଗଣନା କରାଯିବ ବୋଲି ଉଭୟ ଛାମୁଣ୍ଡିଆ ଓ ଗଣିଆ ବନ ବିଭାଗ ତରଫରୁ ସୂଚନା ପ୍ରଦାନ କରିଛନ୍ତି। ସାତକୋଶିଆ ବ୍ୟାଘ୍ର ପ୍ରକଳ୍ପ ଅଞ୍ଚଳରେ ୬ ଦିନ ଧରି ବ୍ୟାଘ୍ର ଗଣନା କରାଯିବ ବୋଲି ଛାମୁଣ୍ଡିଆ ରେଞ୍ଜର ଜଣାଇଛନ୍ତି। ମାଂସାଶୀ ପଶୁଙ୍କ ମଳ, ରାମ୍ପୁଡା, ସ୍ୱର, ରଡି, ସହ ପିଆଇପି ଦ୍ୱାରା ପାଦ ଚିହ୍ନ ଆଦିକୁ ଲକ୍ଷ୍ୟ କରି ଗଣନା କରାଯିବ। ଏହାବ୍ୟତୀତ କ୍ୟାମେରା ଟ୍ରାପ ଦ୍ୱାରା ଗଣନା କରାଯିବ ବୋଲି ବନବିଭାଗ ତରଫରୁ ସୂଚନା ମିଳିଛି। ଏହି ଗଣନା କାର୍ଯ୍ୟରେ ବନ୍ୟପ୍ରାଣୀ ବନଖଣ୍ଡ ଅଧୀନରେ ଥିବା ମୋଟ ୩୬ଟି ବିଟର ୧୦୮ ଜଣ କର୍ମଚାରୀ ନିୟୋଜିତ।
Comments are closed.