ବିହାରରେ ପ୍ରଳୟ : ଝଡ ବର୍ଷା ଓ ବଜ୍ରପାତରେ ୮୩ ଜଣଙ୍କର ମୃତ୍ୟୁ
ପାଟଣା : ବିହାରରେ ଗତ ୨୪ ଘଣ୍ଟା ମଧ୍ୟରେ ଝଡ ବର୍ଷା ଏବଂ ବଜ୍ରପାତରେ ଏପର୍ଯ୍ୟନ୍ତ ୮୩ ଜଣଙ୍କର ମୃତ୍ୟୁ ଘଟିଛି। ରାଜ୍ୟ ବିପର୍ୟ୍ୟୟ ପରିଚାଳନା ବିଭାଗ ଦ୍ୱାରା ଏହି ସୂଚନା ଦିଆଯାଇଛି। ଗୋପାଳଗଞ୍ଜରେ ୧୩ ଜଣଙ୍କର ମୃତ୍ୟୁ ହୋଇଥିବାବେଳେ, ମଧୁବନୀରେ, ପୂର୍ବ ଚମ୍ପାରଣ, ବେତିୟା ଏବଂ ପଶ୍ଚିମ ଚମ୍ପାରଣରେ ୨ଜଣ ଲେଖାଏଁ, ପୁର୍ଣ୍ଣିଆ ଏବଂ ବାଙ୍କାରେ ଜଣେ ଲେଖାଏଁ ଲୋକଙ୍କର ମୃତ୍ୟୁ ଘଟିଛି।
ଏହା ବ୍ୟତୀତ ୧୨ଜଣ ଲୋକ ବଜ୍ରପାତରେ ଜଳି ଯାଇଥିବାର ଜଣା ପଡିଛି। ଗୋପାଳଗଞ୍ଜରେ ଗୁରୁବାର ସକାଳଠାରୁ ମୂଷଳ ଧାରାରେ ବର୍ଷା ଲାଗି ରହିଛି ଓ ବଜ୍ରପାତ ଯୋଗୁଁ ୧୩ ଜଣଙ୍କର ମୃତ୍ୟୁ ହୋଇଛି। ଉଚକା ଗାଁରେ ବଜ୍ରପାତରେ ୪ ଜଣ, ମାଝାରେ ଦୁଇ ଜଣ ଏବଂ ବିଜୟୀପୁର, କାଟେୟା ଏବଂ ବାରୁଲିରେ ଜଣେ ଲେଖାଏଁ ଲୋକଙ୍କର ମୃତ୍ୟୁ ହୋଇଛି। ପ୍ରାଣ ହରାଇଥିବା ଅଧିକାଂଶ ଲୋକ ବିଲରେ ଧାନ ରୋଉଥିଲେ।
#UPDATE 83 people have died due to thunderstorms in Bihar today; maximum 13 people lost their lives in Gopalganj district: State Disaster Management Department https://t.co/cHOmutIr0l
— ANI (@ANI) June 25, 2020
ବାରୌଲି ଏବଂ ମାଝାରେ ବଜ୍ରପାତରେ ଆହତ ହୋଇଥିବା ୪ ଜଣଙ୍କୁ ଚିକିତ୍ସା ପାଇଁ ସଦର ହସ୍ପିଟାଲରେ ଭର୍ତ୍ତି କରାଯାଇଛି। ପୁଲିସ ପୋଷ୍ଟମର୍ଟମ ପାଇଁ ଅନ୍ୟ ସମସ୍ତ ମୃତଦେହ ପଠାଇଛି। ଅନ୍ୟପକ୍ଷରେ ଉତ୍ତର ବିହାରରେ ମଧ୍ୟ ବଜ୍ରପାତ ଯୋଗୁଁ ୪ଜଣଙ୍କର ମୃତ୍ୟୁ ଘଟିଛି। ପୂର୍ବ ଚମ୍ପାରଣରେ ବଜ୍ରପାତ ଯୋଗୁଁ ଜଣେ ନାବାଳିକାଙ୍କ ସମେତ ଦୁଇ ଜଣଙ୍କର ମୃତ୍ୟୁ ଘଟିଛି। ପଶ୍ଚିମ ଚମ୍ପାରାଣର ଶିକାରପୁର ବିଷ୍ଣୁପୁରବା ଏବଂ ମାଲଦାରେ ବଜ୍ରପାତରେ ଦୁଇ ଜଣଙ୍କର ମୃତ୍ୟୁ ଘଟିଛି। ମଧୁବାନୀର ଘେଗରାଡିହାରେ ବଜ୍ରପାତ ହେତୁ ଘଟଣାସ୍ଥଳରେ ସ୍ୱାମୀ-ସ୍ତ୍ରୀଙ୍କର ମୃତ୍ୟୁ ଘଟିଛି। ଏହା ବ୍ୟତୀତ ବେତିଆ ଜିଲ୍ଲାର ଶିକରପୁର ଥାନାର ଭାସୁରାରୀ ପଞ୍ଚାୟତରେ ବିଦ୍ୟୁତ ତାର ସଂଷ୍ପର୍ଶରେ ଦୁଇ ଜଣଙ୍କର ମୃତ୍ୟୁ ଘଟିଛି।
Bihar Chief Minister Nitish Kumar announces Rs 4 lakhs each for 83 people who lost their lives due to thunderstorms in the state. https://t.co/EtiX2gLgt7 pic.twitter.com/03hVtPtZYn
— ANI (@ANI) June 25, 2020
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହାକୁ ନେଇ ଗଭୀର ଦୁଃଖ ପ୍ରକାଶ କରିବା ସହ ମୃତକଙ୍କ ନିକଟ ସମ୍ପର୍କୀୟଙ୍କୁ ସମବେଦନା ଜଣାଇଛନ୍ତି। ବିହାର ମୁଖ୍ୟମନ୍ତ୍ରୀ ନୀତିଶକୁମାର ମୃତକଙ୍କ ପରିବାରକୁ ୪ ଲକ୍ଷ ଟଙ୍କା ଲେଖାଏଁ ଆର୍ଥିକ ସହାୟତା ଦେବାକୁ ଘୋଷଣା କରିଛନ୍ତି ।
Comments are closed.