ବେଗୁନିଆ: ବେଗୁନିଆ ଥାନା କଣ୍ଟାବାଡ଼ ପଂଚାୟତ ଅନ୍ତର୍ଗତ ତଣ୍ଡାଳ ଗ୍ରାମର ଜଣେ ବ୍ୟକ୍ତିଙ୍କ ଘରୁ ଗତକାଲି ବିଳମ୍ବିତ ରାତିରେ ଏକ ପଲସର ବାଇକ ଆଣି ଧାନ ଚୋରି କରୁଥିବା ଚୋରକୁ ଧରି ଗ୍ରାମବାସୀମାନେ ବେଗୁନିଆ ପୁଲିସ ଜିମା ଦେଇଛନ୍ତି । ସମ୍ପୃକ୍ତ ଗ୍ରାମର ଈଶ୍ୱର କୁମାର ସାହୁ ଘରେ ଶୋଇଥିବା ବେଳେ ବୋଲଗଡ଼ ବ୍ଲକ କାଦୁଆପଡା ଗ୍ରାମର ସ୍ବର୍ଗତ ଗୋବିନ୍ଦ ଚନ୍ଦ୍ର ହୋତାଙ୍କ ପୁଅ ସତ୍ୟଜିତ ହୋତା ତାଙ୍କ ବାଡିପଟ କବାଟ ଭାଙ୍ଗି ଘରେ ପଶି ଧାନ ବସ୍ତା ଧରି ସେ ଆଣି ଆସିଥିବା ପଲସର ବାଇକରେ ରଖିବା ପାଇଁ ଯାଉଥିବାବେଳେ ଶ୍ରୀ ସାହୁଙ୍କ ନିଦ ଭାଙ୍ଗିଯିବାରୁ ସେ ଉଠିପଡ଼ି ସାହି ପଡିଶାର ଲୋକମାନଙ୍କୁ ଡାକ ପକାଇଥିଲେ। ତାଙ୍କର ପାଟି ଶୁଣି ଚୋର ଭୟରେ ତଳେ ପଡି ଖଣ୍ଡିଆ ଖାବରା ହୋଇ ପଡିଥିବା ବେଳେ ଗ୍ରାମବାସୀମାନେ ତାକୁ ଧରି ତାର ବାଇକ ସହିତ ବେଗୁନିଆ ପୋଲିସକୁ ହସ୍ତାନ୍ତର କରିଛନ୍ତି । ଥାନା ଏସଆଇ ଆଶୁତୋଷ ପାଇକରାୟ୧୦୮/୨୧ ନଂ ମାମଲା ରୁଜୁ କରି ଅଭିଯୁକ୍ତକୁ କୋର୍ଟ ଚାଲାଣ କରି ଘଟଣାର ତଦନ୍ତ କରୁଛନ୍ତି ।
Comments are closed.