କୁମ୍ଭୀଧର ପର୍ଯ୍ୟଟନ ସ୍ଥଳ ବିକାଶ ପାଇଁ ଅଣ୍ଟା ଭିଡିଲା ପ୍ରଶାସନ

ବି.ଡି.ଓ ଏବଂ ତହସିଦାରଙ୍କ କ୍ଷେତ୍ର ପରିଦର୍ଶନ

ହରଭଙ୍ଗା : ବିଶ୍ୱପର୍ଯ୍ୟଟନ ଦିବସରେ ଜିଲ୍ଲାର ୧୮ଟି ପର୍ଯ୍ୟଟନସ୍ଥଳୀକୁ ଅକ୍ସି ଟୁରିଜିମ ମାନ୍ୟତା ପାଇଁ ବୌଦ୍ଧ ଜିଲ୍ଲାପ୍ରଶାସନ ଅଣ୍ଟା ଭିଡିଛି। ପ୍ରତ୍ୟେକ ପର୍ଯ୍ୟଟନସ୍ଥଳୀର ବିକାଶ ଦିଗରେ ଜିଲ୍ଲାପାଳ ଲଲାଟେନ୍ଦୁ ମିଶ୍ରଙ୍କ ନିର୍ଦ୍ଦେଶରେ ବିକାଶ କାର୍ଯ୍ୟପନ୍ଥା ହାତକୁ ନିଆଯାଉଛି। ଗତ ୧୪ତାରିଖ ପାତାଳି ଶ୍ରୀକ୍ଷେତ୍ର ନାଏକ ପଡାଗୁମ୍ଫାର ବିକାଶ ପାଇଁ ଭୂମିପୂଜନ ସରିବାର ୫ ଦିନ ପରେ ହରଭଙ୍ଗା ବ୍ଲକ ଆଡେଣିଗଡ ପଂଚାୟତର କୁମ୍ଭୀଧର ପର୍ଯ୍ୟଟନସ୍ଥଳ ବିକାଶ ପାଇଁ ସୋମବାର ହରଭଙ୍ଗା ବି.ଡି.ଓ ନୀଳକଣ୍ଠ ବେହେରା ହରଭଙ୍ଗା ତହସିଲଦାର ଶମ୍ଭୁଭୂଷଣ ମିଶ୍ର,ଅତିରିକ୍ତ ତହସିଲଦାର ହରିଓମ ଭୋଇ,ସହକାରୀଯନ୍ତ୍ରୀ ଅର୍ଜ୍ଜୁନ ଗଡନାୟକ,କନିଷ୍ଠ ଯନ୍ତ୍ରୀ ମଦୁସୂଦନ ଦୋରା ପ୍ରମୁଖ ଘଟଣାସ୍ଥଲରେ ପଂହଚି ଏହାର ବିକାଶ ଦିଗରେ କାର୍ଯ୍ୟପନ୍ଥା ଗ୍ରହଣ କରିଥିବା ଜଣାପଡିଛି। ପ୍ରାଥମିକତା ଦୃଷ୍ଟିକୋଣରୁ ପାହାଚନିର୍ମାଣ ସହିତ ଦୁଇ ପାଶ୍ୱର୍ରେ ଷ୍ଟିଲ ର୍ୟାଲିଂ ,ସୋଲାର ଲାଇଟ ବ୍ୟବସ୍ଥା, ଭୋଜି ପାଇଁ ଖୋଲାପିଣ୍ଡି ,ସାଇନବୋର୍ଡ ଇତ୍ୟାଦି ନିର୍ମାଣ ଦିଗରେ ପଦକ୍ଷେପ ଗ୍ରହଣ କରାଯିବ ବୋଲି ସୂଚନା ମିଳିଛି।

Comments
Loading...