ସୂଚନା ଅଧିକାର କର୍ମୀଙ୍କ ଉପରେ ଆକ୍ରମଣ ପଛରେ ଥାର୍ଡ଼ ଫ୍ଲୋରର ଭୂମିକା ଅଛି – ବିରୋଧୀ

ବିଜେପି କର୍ମୀ ତଥା ସୂଚନା ଅଧିକାର କର୍ମୀ ସର୍ବେଶ୍ୱର ବେହେରାଙ୍କ ଉପରେ ମରଣାନ୍ତକ ଆକ୍ରମଣ ଘଟଣାକୁ ନେଇ ଆଜି ବିଧାନସଭାରେ ବିରୋଧୀ ଦଳଗୁଡିକ ଏହା ପଛରେ ଥାର୍ଡ଼ ଫ୍ଲୋରର ସମ୍ମତି ଥିବା ଅଭିଯୋଗ କରିଛନ୍ତି। ଏହି ପ୍ରସଙ୍ଗ ଉତଥାପନ କରି ବିରୋଧୀ ଦଳ ନେତା ପ୍ରଦୀପ୍ତ ନାଏକ ପୀଡିତଙ୍କ ପରିବାରକୁ ସୁରକ୍ଷା ପ୍ରଦାନ କରିବା ସହ ଦୋଷୀମାନଙ୍କ ବିରୁଦ୍ଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି।

ଶୂନ୍ୟକାଳରେ ଏହି ପ୍ରସଙ୍ଗ ଉଠାଇ ଶ୍ରୀ ନାଏକ କହିଥିଲେ ଯେ, ବେଆଇନ କାରନାମାରେ ସାମିଲ ଥିବା ଅସାମାଜିକ ତତ୍ୱମାନେ ହିଁ ତାଙ୍କ ଉପରେ ଆକ୍ରମଣ କରିଛନ୍ତି। ଡଙ୍କାରି ପାହାଡ, ପିଡିଏସ ଦୁର୍ନୀତି, ଇନ୍ଦିରା ଆବାସ ଦୁର୍ନୀତି, ମାମୁ ଭଣଜା ଘାଇ ମାମଲାରେ ଦୋଷୀ ଲୋକମାନେ ହିଁ ତାଙ୍କ ଉପରେ ମରଣାନ୍ତକ ଆକ୍ରମଣ କରିଛନ୍ତି ବୋଲି ସେ ଅଭିଯୋଗ କରିଛନ୍ତି। ଏହି ସମସ୍ତ ଦୁର୍ନୀତି ସମ୍ପର୍କରେ ସେ ସ୍ୱର ଉଠାଉଥିଲେ। ଶାସକ ଦଳ, ମୁଖ୍ୟମନ୍ତ୍ରୀ ଓ ତୃତୀୟ ମହଲାର ନିର୍ଦ୍ଦେଶ ବିନା ଏଭଳି ଆକ୍ରମଣ କରାଯାଇ ପାରିବ ନାହିଁ ବୋଲି ସେ କହିଛନ୍ତି।

Comments
Loading...