ଆଇପିଏଲ କାର୍ଯ୍ୟସୂଚୀ ଘୋଷଣା ଆଜି

ଦୁବାଇ  : ଇଣ୍ଡିଆନ ପ୍ରିମିୟର ଲିଗ୍‌(ଆଇପିଏଲ) ୧୩ତମ ସଂସ୍କରଣ ପାଇଁ ମ୍ୟାଚ କାର୍ୟ୍ୟସୂଚୀ ରବିବାର ଘୋଷଣା ହେବ। ପୂର୍ବରୁ ମ୍ୟାଚ କାର୍ୟ୍ୟସୂଚୀ ସେପ୍ଟେମ୍ବର ୪ରେ ଘୋଷଣା ହେବା ନେଇ ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି କହିଥିବାବେଳେ ଏହାକୁ ୬କୁ ଘୁଞ୍ଚାଇ ଦିଆଯାଇଥିବା ନେଇ ଆଇପିଏଲ ଅଧ୍ୟକ୍ଷ ବ୍ରିଜେଶ ପଟେଲ ସୂଚନା ଦେଇଛନ୍ତି। ଅଧ୍ୟକ୍ଷ ବ୍ରିଜେଶ ପଟେଲଙ୍କ ସୂଚନା ଅନୁଯାୟୀ, ଆଇପିଏଲ ସେପ୍ଟେମ୍ବର ୧୯ରୁ ନଭେମ୍ବର ୧୦ ପର୍ୟ୍ୟନ୍ତ ୟୁଏଇରେ ଖେଳାଯିବ।

ଏଥିପାଇଁ ରବିବାର ପୂର୍ଣ୍ଣାଙ୍ଗ ଖେଳସୂଚୀ ପ୍ରକାଶ ପାଇବ। ମ୍ୟାଚ ୩ଟି ଭେନ୍ୟୁ ଦୁବାଇ, ସାରଜା ଓ ଆବୁଧାବିରେ ଖେଳାଯିବ। ଏଥିପାଇଁ ସମସ୍ତ ଦଳ ୟୁଏଇରେ ପହଞ୍ଚିବା ସହିତ ଅଭ୍ୟାସ ଆରମ୍ଭ କରିଛନ୍ତି। ଶେଷ ଦଳ ଭାବେ ଚେନ୍ନଇ ସୁପରକିଙ୍ଗସ୍‌ ଅଭ୍ୟାସକୁ ଓହ୍ଳାଇଛି। ଦଳ ତୃତୀୟ ରାଉଣ୍ଡ କୋଭିଡ଼ ପରୀକ୍ଷା ପରେ ଅଭ୍ୟାସକୁ ଓହ୍ଳାଇଛି ବୋଲି ବ୍ରିଜେଟ ପଟେଲ କହିଛନ୍ତି। ୧୩ଜଣଙ୍କ କୋଭିଡ଼ ପରୀକ୍ଷା ରିପୋର୍ଟ ପଜିଟିଭ୍‌ ଆସିଥିବା ନେଇ ଗତ ସପ୍ତାହରେ ବିସିସିଆଇ ପକ୍ଷରୁ ସୂଚନା ଦିଆଯାଇଥିଲା। ଉକ୍ତ ଖେଳାଳି ଓ ଷ୍ଟାଫ ମାନଙ୍କୁ ଚିହ୍ନଟ କରାଯାଇ ସ୍ବତନ୍ତ୍ର କ୍ବାରେଣ୍ଟାଇନ୍‌ରେ ରଖାଯାଇଛି। ଆଇପିଏଲ ମେଡ଼ିକାଲ ଦଳ ଦ୍ବାରା ଚିକିତ୍ସା କରାଯାଉଛି। କୋଭିଡ଼ ନିୟମକୁ କଡ଼ାକଡ଼ି ପାଳନ ଉପରେ ଗୁରୁତ୍ବ ଦିଆଯାଇଛି । ଆଇପିଏଲ ମେଡ଼ିକାଲ ଟିମ୍‌ ଏହା ଉପରେ ସ୍ବତନ୍ତ୍ର ଦୃଷ୍ଟି ଦେଉଛି ବୋଲି ବ୍ରିଜେଶ ପଟେଲ କହିଛନ୍ତି।

Comments
Loading...