ପ୍ରଘଟ ହେବନି କରୋନା ଆକ୍ରାନ୍ତଙ୍କ ପରିଚୟ: ହାଇକୋର୍ଟ

କଟକ : କରୋନା ସଂକ୍ରମିତଙ୍କ ବାବଦରେ ଓଡିଶା ହାଇକୋର୍ଟ ଏକ ଗୁରୁତ୍ଵପୂର୍ଣ୍ଣ ରାୟ ଶୁଣାଇଛନ୍ତି । ହାଇକୋର୍ଟଙ୍କ ରାୟ ଅନୁସାରେ କୌଣସି ଆକ୍ରାନ୍ତଙ୍କ ପରିଚୟ ପ୍ରଘଟ କରାଯାଇପାରିବ ନାହିଁ । କାରଣ ଆକ୍ରାନ୍ତଙ୍କ ପରିଚୟ ପଦାକୁ ଆସିଲେ ସାମାଜିକ ନିନ୍ଦାର ଭୟ ରହିଥିବା ହାଇକୋର୍ଟ କହିଛନ୍ତି ।

ଯଦି କରୋନାରେ ଆକ୍ରାନ୍ତ ହୋଇ କୌଣସି ବ୍ୟକ୍ତି ସରକାରୀ କିମ୍ବା ବେସରକାରୀ ହସ୍ପିଟାଲରେ ଭର୍ତ୍ତି ହୋଇଥାନ୍ତି, କିମ୍ବା କୌଣସି କ୍ୱାରେଣ୍ଟିନ୍‌ ସେଣ୍ଚରେ ରହୁଥାନ୍ତି ତାଙ୍କ ପରିଚୟ ବାହାରେ ପ୍ରଘଟ କରାଯାଇପାରିବ ନାହିଁ। ଏପରିକି ସରକାରୀ ବିଭାଗରେ ତଥ୍ୟ ଆଦାନପ୍ରଦାନରେ ବି ଆକ୍ରାନ୍ତଙ୍କ ନାମ ଗୋପନ ରଖାଯିବ। ଏହାସହ ଗଣମାଧ୍ୟମ ଓ ସୋସିଆଲ୍‌ ମିଡିଆରେ ବି କରୋନା ସଂକ୍ରମିତଙ୍କ ପରିଚୟ ଦିଆଯାଇପାରିବ ନାହିଁ । କରୋନା ଆକ୍ରାନ୍ତଙ୍କ ତଥ୍ୟ ବାହାରେ ପ୍ରଘଟ ଉପରେ ହୋଇଥିବା ଏକ ଜନ ସ୍ୱାର୍ଥ ମାମଲାର ଶୁଣାଣି କରି ହାଇକୋର୍ଟ ଏହି ରାୟ ଦେଇଛନ୍ତି। ମୁଖ୍ୟ ବିଚାରପତିଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ଏହି ନିର୍ଦ୍ଦେଶ ଦେଇଛନ୍ତି। ଏ ଜନସ୍ବାର୍ଥ ମାମଲା ସମ୍ପର୍କିତ ପରବର୍ତ୍ତୀ ଶୁଣାଣି ଜୁନ୍‌ ୪ ତାରିଖରେ ହେବ ବୋଲି ଜଣାପଡିଛି ।

Comments are closed.