କେନ୍ଦ୍ରମନ୍ତ୍ରୀ ଥାବର ଚନ୍ଦ ଗେହଲଟଙ୍କ ଝିଅଙ୍କ ଦେହାନ୍ତ, କରୋନାରେ ସଂକ୍ରମିତ ହେବା ପରେ ହୃଦଘାତ

ନୂଆଦିଲ୍ଲୀ: କେନ୍ଦ୍ରମନ୍ତ୍ରୀ ଥାବର ଚନ୍ଦ ଗେହଲଟଙ୍କ ଝିଅ ଯୋଗିତା ସୋଲାଙ୍କୀଙ୍କର ଦେହାନ୍ତ ହୋଇଯାଇଛି। ସେ କରୋନାରେ ସଂକ୍ରମିତ ହେବା ପରେ ମେଦାନ୍ତ ହସ୍ପିଟାଲରେ ଚିକିତ୍ସିତ ହେଉଥିଲେ। ସୋମବାର ଚିକିତ୍ସାଧୀନ ଅବସ୍ଥାରେ ହୃଦ୍‌ଘାତ ହେବାରୁ ତାଙ୍କର ମୃତ୍ୟୁ ଘଟିଥିବା ଜଣାପଡ଼ିଛି। ତାଙ୍କୁ ୪୩ ବର୍ଷ ହୋଇଥିଲା।

ନିକଟରେ ସିପିଆଇଏମ ନେତା ସୀତାରାମ ୟେୁଚୁରୀଙ୍କ ପୁଅ ଏବଂ ଦିଲ୍ଲୀ ସ୍ବାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନଙ୍କ ବାପାଙ୍କର କରୋନାରେ ଦେହାନ୍ତ ହୋଇଥିଲା। କେବଳ ଏତିକି ନୁହେଁ, ଅନେକ ବିଶିଷ୍ଟ ବ୍ୟକ୍ତି କରୋନାର ୨ୟ ତରଙ୍ଗ ସମୟରେ ଆକ୍ରାନ୍ତ ହୋଇ ପରଲୋକ ଗମନ କରିଛନ୍ତି।