ମୁମ୍ବଇ: ତାପସୀ ପନ୍ନୁଙ୍କ ଅଭିନୀତ ଆଗାମୀ ଚଳଚ୍ଚିତ୍ର ‘ଥପ୍ପଡ଼୍’ର ପ୍ରଥମ ପୋଷ୍ଟର ଗୁରୁବାର ସାମ୍ନାକୁ ଆସିଛି। ପୋଷ୍ଟରରେ ମଥାରେ ବିନ୍ଦି ଲଗାଇ ସଜେଇ ହୋଇଥିବା ତାପସୀଙ୍କ ଗାଲରେ କେହି ଚାପୁଡ଼ା ମାରୁଥିବା ଦେଖିବାକୁ ମିଳିଛି। ଏଥିରେ ତାଙ୍କ ଲୁକ୍ ପ୍ରଶଂସାଯୋଗ୍ୟ। ଏହି ପୋଷ୍ଟରକୁ ତାପସୀ ସାମାଜିକ ଗଣମାଧ୍ୟମରେ ଶେୟାର କରିଛନ୍ତି। ଆସନ୍ତା କାଲି ଏହାର ଟ୍ରେଲର ରିଲିଜ୍ ହେବ ବୋଲି ମଧ୍ୟ ପୋଷ୍ଟର ଜରିଆରେ ସୂଚନା ଦିଆଯାଇଛି। ପୋଷ୍ଟରରୁ ଲାଗୁଛି ଏହି ଚଳଚ୍ଚିତ୍ର ଘରୋଇ ହିଂସା ଉପରେ ଆଧାରିତ। ତେବେ ଏପର୍ଯ୍ୟନ୍ତ ଚଳଚ୍ଚିତ୍ରର ବିଷୟବସ୍ତୁ ସମ୍ପର୍କିତ କୌଣସି ସୂଚନା ମିଳିନାହିଁ।
ମିଳିଥିବା ଖବର ଅନୁସାରେ, ‘ଥପ୍ପଡ଼୍’ରେ ତାପସୀଙ୍କ ସହ ଦିୟା ମିର୍ଜା ଓ ପାଭୈଲ ଗୁଲାଟିଙ୍କୁ ମଧ୍ୟ ଦେଖିବାକୁ ମିଳିବ। ଅନୁଭବ ସିହ୍ନାଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର ଚଳିତ ବର୍ଷ ୨୮ ପେବୃଆରୀରେ ପରଦାକୁ ଆସିବ।