ନୂଆଦିଲ୍ଲୀ: ଜାମ୍ମୁ-କଶ୍ମୀରରେ ଚଳିତ ବର୍ଷ ରେକର୍ଡ ସଂଖ୍ୟାରେ ଆତଙ୍କବାଦୀଙ୍କୁ ନିପାତ କରାଯାଇଛି। ସୁରକ୍ଷାକର୍ମୀଙ୍କ ଦ୍ବାରା ୨୦୨୦ ଜାନୁଆରୀରୁ ନଭେମ୍ବର ପ୍ରଥମ ସପ୍ତାହ ସୁଦ୍ଧା ଜାମ୍ମୁ-କଶ୍ମୀରରେ ୧୯୧ ଆତଙ୍କବାଦୀ ନିପାତ ହୋଇଛନ୍ତି। ସେମାନଙ୍କ ମଧ୍ୟରେ ଅଛନ୍ତି ୨୦ ବିଦେଶୀ; ଅଥାତ୍ ପାକିସ୍ତାନୀ। ଏହି ସମୟ ମଧ୍ୟରେ ପ୍ରାୟ ୧୪୫ ଜଣ ସ୍ଥାନୀୟ ଯୁବକ ବିଭିନ୍ନ ଆତଙ୍କବାଦୀ ସଂଗଠନରେ ଯୋଗ ଦେଇଛନ୍ତି। ନିଖେଜ ଥିବା ଆଉ ପ୍ରାୟ ୮ଜଣ ଆତଙ୍କବାଦୀ ସଂଗଠନରେ ଯୋଗ ଦେଇଥିବା ଆଶଙ୍କା କରାଯାଉଛି। ୨୦୧୮ରେ ହୋଇଥିବା ୧୦୭ ଗୁଳି ବିନିମୟ ଘଟଣାରେ ସର୍ବାଧିକ ୨୫୪ ଆତଙ୍କବାଦୀ ନିପାତ ହୋଇଥିଲେ। ଅପରପକ୍ଷରେ ସେ ବର୍ଷ ୨୧୦ ସ୍ଥାନୀୟ ଯୁବକ ଆତଙ୍କବାଦୀ ସଂଗଠନରେ ଯୋଗ ଦେଇଥିଲେ। ଚଳିତ ବର୍ଷ ଏପର୍ୟ୍ୟନ୍ତ ୮୬ଟି ଗୁଳି ବିନିୟମ ଘଟଣା ଘଟିଛି। ଆତଙ୍କବାଦ ସହ ସମ୍ପୃକ୍ତ ପ୍ରାୟ ୫୦ ଯୁବକ ଗିରଫ ହୋଇଛନ୍ତି ଅଥବା ଆତ୍ମସମର୍ପଣ କରିଥିବା ପୁଲିସ ସୂତ୍ରରୁ ପ୍ରକାଶ। ୨୦୧୯ରେ ଅନୁଷ୍ଠିତ ୭୯ ଗୁଳି ବିନିମୟରେ ୧୫୭ ଆତଙ୍କବାଦୀଙ୍କ ମୃତ୍ୟୁ ହୋଇଥିବାବେଳେ ୧୨୭ କାଶ୍ମୀରୀ ଯୁବକ ଆତଙ୍କବାଦୀ ସଂଗଠନରେ ଯୋଗ ଦେଇଥିଲେ।
Popular Categories
Previous article
Next article